අපරාධ පරීක්ෂණ දෙපාර්තමේන්තුවේ මූල්ය අපරාධ විමර්ශන ඒකකයෙහි නිලධාරීන් කණ්ඩායමක් විසින් සීමාසහිත මාතර දිස්ත්රික් සමූපාකාර ආරෝග්ය ශාලා සංගමයේ සභාපති චමින්ද ප්රසන්න ගුණසේකර අත්අඩංගුවට ගෙන ඇත.
මාතර දිස්ත්රික් සමූපකාර ග්රාමීය බැංකු සංගමයේ රුපියල් මිලියන 300ක මුදලක් වංචා කළ බව කියන සිද්ධියක් සම්බන්ධයෙන් ආරෝග්ය ශාලා සංගමයේ සභාපති චමින්ද ප්රසන්න ගුණසේකර අත්අඩංගුවට ගත් බව පොලීසිය සඳහන් කරයි.
අත්අඩංගුවට ගත් සැකකරු සමූපකාර නීතිරීති උල්ලංඝනය කරමින් වෙනත් ව්යාපෘති සඳහා මුදල් යෙදවූවා යැයි පවසා එම මුදල් ඔහුගේ පෞද්ගලික පරිහරණයට යොදවා ඇති බවද පොලීසිය සඳහන් කරයි.
