කෘෂිකර්ම අමාත්ය කේ.ඩී ලාල්කාන්ත හිරු රූපවාහිනි නාලිකාවට එරෙහිව ඉදිරිපත් කළ පැමිණිල්ල අද (23) සළකා බලන බව ශ්රී ලංකා විදුලි සංදේශ නියාමන කොමිෂන් සභාව සඳහන් කරයි.
ජනමාධ්ය අමාත්යංශය ඒ සම්බන්ධයෙන් ගනු ලබන අවසන් තීරණය ද පදනම් කරගනිමින් සිය තීරණය ප්රකාශයට පත් කරන බව එහි අධ්යක්ෂ ජනරාල් විශ්රාමික එයාර් වයිස් මාර්ෂල් බන්දුල හේරත් සඳහන් කරයි.
රූපවාහිනී නාලිකාවක් සංඛ්යාත බලපත්ර කොන්දේසි උල්ලංඝණය කරමින් දිගින් දිගටම කටයුතු කිරීම සම්බන්ධයෙන් විමර්ශනයක් කරන්නැයි ඉල්ලා අමාත්යවරයා ඊයේ (22) පස්වරුවේ පැමිණිල්ල ඉදිරිපත් කළේය.
රූපවාහිනී නාලිකාව ජනමාධ්ය අමාත්යංශය ලබාදී ඇති බලපත්රයට අමතරව විදුලි සංදේශ නියාමන කොමිෂන් සභාව නිකුත් කර ඇති විකාශන සංඛ්යාත බලපත්ර කොන්දේසි බරපතල ලෙස උල්ලංඝනය කර ඇතැයි පැමිණිල්ලේ දැක්වෙයි.
කෘෂිකර්ම අමාත්ය කේ.ඩී ලාල්කාන්ත ඒ සම්බන්ධයෙන් ජනමාධ්ය අමාත්යාංශ ලේකම්වරයාට ද පැමිණිලි කළේය.