අමෙරිකානු රජය විසින් ශ්රී ලංකා ගුවන් හමුදාවට පරිත්යාග කරන ලද TH-57 ‘සී රේන්ජර්’ (Sea Ranger) වර්ගයේ බහුකාර්ය හෙලිකොප්ටර් යානා 10ය මේ වනවිට දිවයිනට ළඟා වී ඇත.
ශ්රී ලංකා ගුවන් හමුදාවේ දිගුකාලීන මෙහෙයුම් අවශ්යතා සපුරාලමින් එහි සමස්ත බලඇණිය ශක්තිමත් කිරීමට එම යානා එකතුව ලැබුණු සුවිශේෂී දායකත්වයකි.
මෙම යානා ප්රධාන වශයෙන්ම ගුවන් නියමු පුහුණුව, ආපදා ප්රතිචාර මෙන්ම සෙවීම් සහ ගලවා ගැනීමේ මෙහෙයුම් (SAR) ඇතුළු විවිධ මානුෂීය කටයුතු සඳහා භාවිත කිරීමට අපේක්ෂිතය.
මෙම යානා මේ වනවිට රත්මලාන ගුවන් හමුදා කඳවුරේදී එකලස් කෙරෙන අතර ඉදිරි දින කිහිපය තුළ අවශ්ය තාක්ෂණික පරීක්ෂණ අවසන් කිරීමෙන් අනතුරුව නිල මෙහෙයුම් සඳහා යොදවා ගැනීමට නියමිතය.