ලියාපදිංචියකින් තොරව අනීතිකව පවත්වාගෙන යන වැඩිහිටි තැනැත්තන් රැකබලා ගැනීමේ මධ්යස්ථාන සම්බන්ධයෙන් අවශ්ය ක්රියාමාර්ග ගන්නා බව ග්රාමීය සංවර්ධන සමාජ ආරක්ෂණ හා ප්රජා සවිබල ගැන්වීමේ අමාත්යංශය සඳහන් කරයි.
මේ වනවිට වාර්තා වන වැඩිහිටි තැනැත්තන් රැකබලා ගැනීමේ මධ්යස්ථාන 455න් 148ක් පමණක් ජාතික වැඩිහිටි මහලේකම් කාර්යාලයේ ලියාපදිංචි වී ඇති බව අමාත්ය ආචාර්ය උපාලි පන්නිලගේ සඳහන් කරයි.
වැඩිහිටි නිවාස ලියාපදිංචිය හා නියාමනයට බලය ලැබෙන පරිදි නව රෙගුලාසි මාලාවක් කඩිනමින් හඳුන්වා දීමට පියවර ගන්නා බවද අමාත්ය ආචාර්ය උපාලි පන්නිලගේ සඳහන් කරයි.
ඊට අදාළ රෙගුලාසි වලට අදාළ අවසන් කෙටුම්පත මේ වන විට සකස් කර අවසන් අතර පළාත් සභා සමග සාකච්ඡා කර ඊට එකඟතාවයක් ලබා ගැනීමේ අවශ්යතාවය පවතින බවත් එකඟතාව ලැබුණු වහාම අදාළ රෙගුලාසි බලාත්මක කිරීමට අවශ්ය පියවර ගන්නා බවද අමාත්යවරයා සඳහන් කරයි.
