මෙරට ගීත සාහිත්යයට සහ බෞද්ධ සංස්කෘතියට අමිල මෙහෙවරක් ඉටු කළ, සම්මානනීය ගී පද රචකයෙකු මෙන්ම ග්රන්ථ කතුවරයෙකු වූ පූජ්ය රඹුකන සිද්ධාර්ථ හිමි අපවත් වී ඇත.
අසනීප තත්ත්වයක් හේතුවෙන් රෝහල්ගතව ප්රතිකාර ලබමින් සිටියදී උන්වහන්සේ අද පස්වරුවේ මෙලෙස අපවත් වී ඇති අතර උන්වහන්සේ අපවත්වන විට 76 වන වියෙහි පසු වූහ.
1963 වසරේ ජූලි (22) වැලිව ගංගාතිලක විහාරස්ථානයේදී “රඹුකන සිද්ධාර්ථ” නමින් පැවිදි බිමට අවතීර්ණ වූ උන්වහන්සේ, 1972 වසරේදී මහනුවර මල්වතු මහාවිහාර උපෝසථාගාරයේදී උපසම්පදා ලැබ ඇති බව සඳහන් වේ.
මොරවක වැලිව බෞද්ධ මිශ්ර පාසලෙන් මූලික අධ්යාපනය ලද උන්වහන්සේ, ගාල්ල හෙට්ඨාචල පිරිවෙනෙන් සහ පැපිලියාන සුනේත්රාදේවි පිරිවෙනෙන් ද්විතීක අධ්යාපනය ලබා, අනතුරුව කැළණිය විශ්වවිද්යාලයෙන් බෞද්ධ දර්ශනය පිළිබඳ විශේෂ උපාධියක් හදාරා ඇත.
මෙරට බෞද්ධ සංස්කෘතිය ආශ්රිත ගීත මෙන්ම විවිධ මාතෘකා යටතේ මෙරට සංගීත ලෝලීන්ගේ දැඩි ආදරයට පාත්ර වූ ජනප්රිය ගීත රැසක් උන්වහන්සේ විසින් රචනා කර ඇත.
ලා දළු බෝපත්/ මේ ඉර හඳ යට, සඳ තරු මල්/ බුදු හාමුදුරුවෝ අපිත් දකින්නැති/ සෙනෙහස පුදා/ බුදු බණ ඇසුවා/ මේ ප්රේම කතා/ අව්වට වැස්සට හුරු මිනිසුන්නේ/ වෙහෙරක් වගේ/ පන්සලේ පල්ලියේ/ සියක් ආයු ලැබ වැනි ගීත ඒ අතර වේ.
‘සඳකඩපහණ’ චිත්රපටය වෙනුවෙන් ලියූ ‘පෙර සංසාරේ’ ගීතය සඳහා සරසවිය සම්මානයෙන් පිදුම් ලැබූවේය.
