ශ්රේෂ්ඨාධිකරණය දුන් නියෝගයකට අනුව වහාම ක්රියාත්මක වන පරිදි ජ්යෙෂ්ඨ පොලිස් අධිකාරීවරුන් තිදෙනෙකු ඔවුන් දැරූ තනතුරු වලින් ඉවත් කර ඇති බව පොලිස් මූලස්ථානය සඳහන් කරයි.
පොලිස්පති ප්රියන්ත වීරසූරියගේ නියෝගයකට අනුව එම තනතුරු වලින් ඉවත් කළ ජ්යෙෂ්ඨ පොලිස් අධිකාරීවරුන් තිදෙනා විශේෂ රාජකාරි පදනම මත පොලිස් මූලස්ථානය වෙත කැඳවා ඇත.
බණ්ඩාරවෙල කොට්ඨාසය භාරව කටයුතු කළ මයුර පෙරේරා, අධිවේගී මාර්ග කොට්ඨාසය භාරව සිටි ඒ.ජේ.වයි.බී. ක්රිශාන්ත සහ පොලිස් දුක්ගැනවිලි කොට්ඨාසයේ අධ්යක්ෂ ධුරය හෙබවූ පී.ජී.එස්. ගුණතිලක යන ජ්යෙෂ්ඨ පොලිස් අධිකාරීවරුන් තිදෙනා එලෙස කැඳවා ඇත.
ප්රධාන පොලිස් පරීක්ෂකවරුන් ලෙස සේවය කරමින් සිටි එම නිලධාරීන් අමාත්ය මණ්ඩල තීරණයකට අනුව සහකාර පොලිස් අධිකාරී ධුරවලට උසස් කිරීමෙන් පොලිස් කොමිසම මූලික අයිතිවාසිකම් කඩවීමක් සිදුව ඇති බවට තීන්දු කළ ශ්රේෂ්ඨාධිකරණය, ජ්යෙෂ්ඨ පොලිස් අධිකාරී ධුරවල කටයුතු කරන එම නිලධාරීන් තිදෙනාගේ අදාළ උසස්වීම් බලශූන්ය කරන ලෙස පසුගියදා නියෝග කර ඇත.
