LTTE නායක වේලුපිල්ලේ ප්‍රභාකරන්ට සිදු කිරීමට නොහැකි වු දෙයක් මේ ආණ්ඩුව විසින් ඉටුකර ඇති බව පාර්ලිමේන්තු මන්ත්‍රී රාමනාදන් අර්ච්චුනා සඳහන් කරයි.
හිටපු ජනාධිපති මහින්ද රාජපක්ෂගේ බිරිඳ සහ මන්ත්‍රී නාමල් රාජපක්ෂ ඇතුළු පවුලේ සාමාජිකයන් සිරගත කිරීම සම්බන්ධයෙන් ඩයස්පෝරාව සතුටු වන බවද මන්ත්‍රී රාමනාදන් අර්ච්චුනා සඳහන් කරයි.
පැවැත්වීමට නියමිත පළාත් සභා මැතිවරණයට පෙර හිටපු ජනාධිපති මහින්ද රාජපක්ෂ සහ ගෝඨාභය රාජපක්ෂ කොහොම හරි සිරගත කරන ලෙස ආණ්ඩුවෙන් ඉල්ලීමක් කරන බවද මන්ත්‍රී රාමනාදන් අර්ච්චුනා සඳහන් කරයි.
මන්ත්‍රී රාමනාදන් අර්ච්චුනා පාර්ලිමේන්තුවේදී සඳහන් කළේ,
“සතුටුයි අපිට. මට පෞද්ගලිකව මේක කියන්න තියෙන්නේ, අපේ ඩයස්පෝරාවෙන් කිවුවා ඔබතුමාලා ගෝඨාවත් අරන් දාන්න කියලා. මහින්ද රාජපක්ෂවත් අරන් දාන්න කියලා. එයාගේ බිරිඳවත් අරන් දාන්න කියලා. නාමල්වත් අරන් දාන්න කියලා.
අපි දෙමළ, හැබැයි අපිට ප්‍රභාකරන්ටත් බැරිවෙච්ච එකක් මේ ආණ්ඩුව අපිට කරලා දීපු එකට ඇත්තටම අපේ මිනිස්සු වෙනුවට, මගේ පෞද්ගලික වෙනයි. අපේ මිනිස්සු වෙනුවට මම සතුටු වෙනවා. හැබැයි අපි ඉස්සරහට බලාගන්නවා පළාත් සභා තියන්න කලින්,
කොහොමහරි ගෝඨාවයි, මහින්ද රාජපක්ෂවයි අරන් ඇතුළට දාන්න. එතකොට තමා ඕගොල්ලොන්ට උතුරේ ඡන්ද වැටෙනවා. හැබැයි උතුරේ ඡන්දය පෙන්නලා දකුණේ ඡන්දය ගන්න පුළුවන්. හලෝ මේ කතාව මිනිස්සු බලාගෙන ඉන්නවා. හැබැයි පළාත් සභා තිබ්බොත් අපි ඒ කාලේ බලාගමු.”
