ඩොලර් මිලියන ගණනක් රටින් පැන්නූ තවත් සැකකරුවෙක් අත්අඩංගුවට

ව්‍යාජ ආයතන හරහා භාණ්ඩ ආනයනය කිරීමකින් තොරව අමෙරිකානු ඩො.මි. 25ක් (රුපියල් බි.7.5) විදේශ ගිණුම් වෙත බැර කළ තවත් 25 හැවිරිදි සැකකරුවෙකු මූල්‍ය අපරාධ විමර්ශන කොට්ඨාසය (FCID) මගින් අත්අඩංගුවට ගෙන ඇත.

වැල්ලම්පිටියේදී පදිංචිකරුවෙකු වන සැකකරු වාණිජ බැංකු හරහා ‘TT’ (Telegraphic Transfers) ක්‍රමවේදය ඔස්සේ මෙම මුදල් රටින් බැහැරකර ඇති බවට චෝදනා එල්ල වී ඇත.

පසුගිය 2024 ජනවාරි මාසයේ සිට 2025 ජූලි මාසය දක්වා වූ කාලය තුළ මෙම මුදල් විදේශගත කර ඇති අතර එම ගනුදෙනු වලට අදාළව කිසිදු භාණ්ඩයක් ආනයනය කර නොමැති බව සිදුකළ විමර්ශනවලදී අනාවරණය වී ඇත.

අත්අඩංගුවට ගත් මෙම සැකකරු මෙරට තුළ සමාගම් 6ක් නමින් විදේශීය සමාගම් වෙතින් භාණ්ඩ ඇණවුම් කරන බව පෙන්වමින් මෙම මූල්‍ය වංචාව සිදුකර ඇත.