මත්ද්‍රව්‍ය ජාවාරම් හරහා හෝ සංවිධානාත්මක අපරාධ ක්‍රියාකාරකම් හරහා මොනතරම් දේපල අත්පත් කරගත්තත් ඔවුන්ට ඒවා භුක්ති විදින්න හැකියාව ලැබෙන්නේ නැති බව මහජන ආරක්ෂක සහ පාර්ලිමේන්තු කටයුතු අමාත්‍ය ආනන්ද විජේපාල සඳහන් කරයි.
පාර්ලිමේන්තුවේදී අදහස් දක්වමින් අමාත්‍ය ආනන්ද විජේපාල සඳහන් කළේ,
“අද කුඩු ජාවාරම්කාරයන්ගේ මුදල් වලින් යැපෙන බොහෝ පිරිස් දැන් කලබලයට පත්වෙලා තියෙනවා. මේ සමහර අනපනත් ඉදිරියේ මොවුන් ව්‍යාජ ප්‍රකාශ, සාහසික ප්‍රකාශයන් නිකුත් කරනවා.
අපිට අවශ්‍යයි සත්භාවයෙන් මේවා ගෙනල්ලා රටේ අනාගත පරපුර වෙනුවෙන් මේ සමාජය මේ අපරාධකාරීන්ගෙන් මුදවාගන්න. එනිසා කිසිවෙකුටත් මත්ද්‍රව්‍ය ජාවාරම් හරහා හෝ වෙනත් සංවිධානාත්මක අපරාධ ක්‍රියාකාරකම් හරහා මොනතරම් දේපල අත්පත් කරගත්තත් ඔවුන්ට ඒවා භුක්ති විදින්න හැකියාව, ඉඩකඩ ලැබෙන්නේ නෑ.
ඒ පණිවිඩය මේ සමාජයට දෙන්න අවශ්‍යයි. වර්තමාන රජය යටතේ නීතිරීති සම්පාදනය කරලා තියෙනවා. ඒවා රජය සතු කරගන්න අවශ්‍ය ඕනෑම අනීතික කටයුත්තකින් යම් දේපලක් අත්පත් කරගෙන තියෙනවා නම්, ඒ සියලු දේපල රජය සතු කරගැනීමේ වැඩපිළිවෙල ශක්තිමත්ව ක්‍රියාත්මක වෙලා තියෙනවා.”
