LIVE
එක්සත් ජනපද නාවික හමුදාවට අයත් ලිටෝරල් කොම්බැට් නෞකාවක් වන USS කැන්බරා නෞකාව අද (12) කොළඹ වරායට පැමිණ ඇත.
කමාන්ඩර් ජේම්ස් මික්ලොෆ්ලින්ගේ අණදීම යටතේ USS කැන්බරා නෞකාව ඉන්ධන සහ සැපයුම් රැගෙන යාමට කෙටි නැවතුමක් සඳහා කොළඹ වරායට පැමිණ ඇත.
මෙරටට පැමිණි සිව් වන එක්සත් ජනපද නාවික හමුදා ලිටොරල් කම්බැට් නෞකාව මෙය වන බව ශ්රී ලංකාවේ එක්සත් ජනපද තානාපති කාර්යාලය නිවේදනය කළේය.
කොළඹ වරායට පැමිණි එක්සත් ජනපද නාවික මිතුරන් ශ්රී ලංකා පාර්ශවය උණුසුම් ලෙස පිළිගෙන ඇති අතර නෞකාවේ නාවිකයින්ට සහ කාර්ය මණ්ඩලයට සිය හෘදයාංගම සුබ පැතුම් ද පළ කර ඇත.
මෙම වරාය සංචාරය, එක්සත් ජනපද සහ ශ්රී ලංකා නාවික හමුදාවන් අතර පවතින දිගුකාලීන සබඳතා මෙන්ම අපගේ ද්විපාර්ශ්වික සබඳතාවයේ ලක්ෂණයක් වන සමීප සහයෝගීතාවය පෙන්නුම් කරයි.
