Foreign news

තායිලන්තයේ මහා වජිරලොන්කෝන් රජුගේ වැඩිමහල් දියණිය වූ බජ්‍රකිටියාබා නරේන්දිරා දෙබ්යාවතී කුමරිය මියගිය බව තායිලන්ත රාජකීය මන්දිරය අද (12) නිල වශයෙන් නිවේදනය කළේය.

වසර 4කට ආසන්න කාලයක් කෝමා තත්ත්වයෙන් පසුවූ කුමරිය මිය යනවිට 47වැනි වියේ පසුවූ අතර ඇය උදරයේ අභ්‍යන්තර ආසාදනයකින්, අඩු රුධිර පීඩනය, අරිතිමියාව, රුධිර කැටි ගැසීම වැනි රෝගාබාධ රැසකින් පීඩාවිඳ ඇත.

ඇය 2022 දෙසැම්බර් මාසයේදී සංචාරයක යෙදී සිටියදී හදිසියේම හෘදයේ ඇතිවූ රෝගී තත්ත්වයකින් ඇගේ සිහිය නැතිවී ඇති අතර එතැන් සිට මියයන තෙක්ම ඇය කෝමා තත්ත්වයෙන් පසුවූවාය.

ඉරානය – අමෙරිකාව යුද්ධය අවසන් කිරීම සඳහා “විශිෂ්ට එකඟතාවක්” ඇති කරගත් බව අමෙරිකානු ජනාධිපති ඩොනල්ඩ් ට්‍රම්ප් ප්‍රකාශ කර ඇත.

එම ගිවිසුමට අදාළ ලේඛන අවසන් කිරීමෙන් අනතුරුව මෙම සති අන්තයේදී යුරෝපයේදී අත්සන් කිරීමක් සිදුවිය හැකි බවට තමන් අපේක්ෂා කරන බවද ට්‍රම්ප් ප්‍රකාශ කර ඇත.

අද (11) රාත්‍රියේ ඉරානයට එරෙහිව දැඩි ප්‍රහාර එල්ල කරන බවට ප්‍රකාශ කරමින් අමෙරිකානු ජනාධිපති ඩොනල්ඩ් ට්‍රම්ප් අනතුරු ඇඟවීමක් නිකුත් කර ඇත.

සිය Truth Social ගිණුම ඔස්සේ ප්‍රකාශයක් නිකුත් කරමින් ජනාධිපති ඩොනල්ඩ් ට්‍රම්ප් මේ බව සඳහන් කරයි.

ඉරානයේ නාවික, ගුවන් සහ ගුවන් ආරක්ෂක හැකියාවන් මෙන්ම බොහෝ ප්‍රහාරක ශක්තීන් ද මේ වනවිට විනාශ වී ඇති බවද ජනාධිපති ඩොනල්ඩ් ට්‍රම්ප් සඳහන් කරයි.

ඉදිරි කාලයේදී ඉරානයේ ප්‍රධාන තෙල් අපනයන මධ්‍යස්ථානයක් වන කාර්ග් දූපත ඇතුළු තෙල් හා ගෑස් යටිතල පහසුකම් සම්බන්ධ ස්ථානවල පාලනය ලබා ගැනීමට අපේක්ෂා කරන බවද ජනාධිපති ඩොනල්ඩ් ට්‍රම්ප් සඳහන් කරයි.

ඉරානය විසින් කුවේටයේ අමෙරිකානු කඳවුරු වෙත එල්ල කළ ප්‍රහාරවලින් පසුව කුවේටය තම ගුවන් කලාපය තාවකාලිකව වසා දමා ඇති බව විදෙස් මාධ්‍ය වාර්තා කරයි.

ගුවන් කලාපය වසා දැමීම හේතුවෙන් කුවේට් වෙත පැමිණීමට තිබූ ගුවන් යානා වෙනත් ගුවන්තොටුපළවල් වෙත හරවා යැවීමට කටයුතු කර ඇත.

බහරේනයේ සහ කුවේට්හි අමෙරිකානු හමුදා කඳවුරු වෙත ඩ්‍රෝන ප්‍රහාර එල්ල කළ ඉරානය සඳහන් කරයි.

අමෙරිකාව විසින් ඉරානයට එල්ල කළ අලුත් ප්‍රහාරවලට පළිගැනීමක් ලෙස මෙම ප්‍රහාර එල්ල කළ බව ඉස්ලාමීය විප්ලවවාදී ආරක්ෂක බලකාය (IRGC) සඳහන් කරයි.

බහරේනයේ ෂෙයික් ඊසා ගුවන් කඳවුරට සහ කුවේටයේ අලි අල් සේලම් සහ අහමඩ් අල්-ජාබර් ගුවන් කඳවුරුවලට ඩ්‍රෝන ප්‍රහාර දියත් කළ බව ඉස්ලාමීය විප්ලවවාදී ආරක්ෂක බලකාය (IRGC) සඳහන් කරයි.

අමෙරිකාවේ මධ්‍යම විධානය ඉරානය තුළ “බහු ඉලක්ක” වෙත අලුත් ප්‍රහාර නිවේදනය කිරීමෙන් පසුව මෙම ප්‍රහාර එල්ල කර ඇත.

ඉරානය විසින් ලෝක බලශක්ති ප්‍රවාහනයේ ප්‍රධානතම මර්මස්ථානයක් වන හෝමුස් සමුද්‍ර සන්ධිය වසා දැමීමත් සමඟ බොරතෙල් බැරලයක මිල ඉහළ⁣ ගොස් ඇත.

ඒ අනුව අද (11) දින බ්‍රෙන්ට් තෙල් මිල 2.47% කින් (ඩොලර් 2.30 කින්) ඉහළ ගොස් බැරලයක් ඩොලර් 95.40 ක් ලෙස සටහන්ව ඇත.

තවද අමෙරිකානු WTI තෙල් මිල 2.89% කින් (ඩොලර් 2.60 කින්) ඉහළ ගොස් බැරලයක් ඩොලර් 92.63 ක් දක්වා ඉහළ ගොස් ඇත.

අමෙරිකාව විසින් ඉරානයට එරෙහිව යළිත් දැවැන්ත ගුවන් ප්‍රහාර මාලාවක් දියත් කිරීමත් සමඟ ප්‍රතිචාර වශයෙන් හෝමුස් සමුද්‍ර සන්ධිය වසා දැමීමට ඉරානය පියවර ගෙන ඇත.

අමෙරිකාව විසින් ඉරානයට එරෙහිව දැවැන්ත ගුවන් ප්‍රහාර මාලාවක් දියත් කිරීමත් සමඟ, ඊට ප්‍රතිචාර වශයෙන් හෝමුස් සමුද්‍ර සන්ධිය වසා දැමීමට ඉරානය පියවර ගෙන ඇත.

තෙල් නැව් සහ අනෙකුත් වාණිජ නෞකා ඇතුළු සියලුම යාත්‍රා සඳහා හෝමුස් සමුද්‍ර සන්ධිය සම්පූර්ණයෙන්ම වසා දමන බව ඉරාන ඒකාබද්ධ හමුදා මූලස්ථානය නිවේදනයක් නිකුත් කරමින් සඳහන් කරයි.

එම සීමාව තරණය කිරීමට උත්සාහ කරන ඕනෑම නෞකාවකට ප්‍රහාර එල්ල කරන බවද ඉරාන ඒකාබද්ධ හමුදා මූලස්ථානය අනතුරු අඟවා ඇත.

ඉරානය නව ගිවිසුමකට එළඹීම සඳහා අනවශ්‍ය ලෙස කාලය ප්‍රමාද කර ඇති බවත් ඒ වෙනුවෙන් ඔවුන්ට වන්දි ගෙවීමට සිදුවනු ඇති බව අමෙරිකානු ජනාධිපති ඩොනල්ඩ් ට්‍රම්ප් සඳහන් කරයි.

කලාපය තුළ ඉරානය සහ අමෙරිකාව අතර අඛණ්ඩව ප්‍රහාර හුවමාරු වන පසුබිමක, සාකච්ඡා ඉදිරියට ගෙනයාමට දරන උත්සාහයන් මධ්‍යයේ ජනාධිපති ඩොනල්ඩ් ට්‍රම්ප් මෙම අනතුරු ඇඟවීම සිදුකර ඇත.

“ඔවුන්ට ඉතා වාසිදායක විය හැකිව තිබූ ගිවිසුමකට එළඹීමට ඔවුන් ඕනෑවට වඩා කල් වැරුවා. දැන් ඔවුන්ට ඒ සඳහා වන්දි ගෙවීමට සිදුවනු ඇත”

සිය සමාජ මාධ්‍ය ගිණුමක සටහනක් තබමින් ජනාධිපති ඩොනල්ඩ් ට්‍රම්ප් සඳහන් කළේ “ඉරානය කියවීමට පමණක් දක්ෂ, වැඩක් නොකරන රටක්” බවයි.

මේ අතර ඉරානය ගිවිසුමකට අත්සන් කිරීමට අකමැති නම්, එරට බලාගාර සහ පාලම් ඉලක්ක කර ගනිමින් නව ප්‍රහාර එල්ල කිරීමට තමන් නියෝග කිරීමට ආසන්නව සිටින බව ෆොක්ස් නිව්ස් නාලිකාව සමඟ පැවැති සම්මුඛ සාකච්ඡාවකදී ජනාධිපති ට්‍රම්ප් සඳහන් කරයි.

අමෙරිකාවට ආරක්ෂිතව සිටීමට අවශ්‍ය නම්, ඔවුන් ඉරාන කලාපයෙන් ඉවත්ව යා යුතු බවට ඉරාන විදේශ අමාත්‍ය අබ්බාස් අරාග්චි අනතුරු අඟවා ඇත.

ඉරාන විදේශ අමාත්‍ය අබ්බාස් අරාග්චි “X” පණිවුඩයක් නිකුත් කරමින් මේ බව සඳහන් කරයි.

අමෙරිකාව යුධ පිටියේ පරාජය වී තිබියදී පවා, තවදුරටත් ඉරානයේ අධිෂ්ඨානය පරීක්ෂා කිරීමට තීරණය කර ඇති බවත් ඉරානයේ ප්‍රබල සන්නද්ධ බලකායන් ඕනෑම සතුරු ප්‍රහාරයකට හෝ තර්ජනයකට ප්‍රතිචාර දක්වන බවද ඉරාන විදේශ අමාත්‍යවරයා සඳහන් කරයි.

බලහත්කාරයෙන් පර්සියානු ගල්ෆ් කලාපයට ඇතුළු වූ පිටස්තරයින්ට අත් වූ බිහිසුණු ඉරණම් පිළිබඳ පරිච්ඡේද රැසක් ඉතිහාසයේ ලියැවී ඇති බවද ඉරාන විදේශ අමාත්‍යවරයා සඳහන් කරයි.

ඉරානයට එරෙහිව අමෙරිකාව විසින් ගුවන් ප්‍රහාර මාලාවක් දියත් කළ බව එක්සත් ජනපද මධ්‍යම අණදෙන විධානය සමාජ මාධ්‍ය ඔස්සේ නිවේදනයක් නිකුත් කරමින් ප්‍රකාශ කර ඇත.

ඔමාන් වෙරළ ආසන්නයේ අමෙරිකානු යුද හමුදාවේ Apache හෙලිකොප්ටරයක් බිඳ හෙළීමේ සිද්ධියට ප්‍රතිචාර වශයෙන් මෙම ක්‍රියාමාර්ග ගෙන ඇති බව සඳහන් වේ.

මෙම ප්‍රහාර ඉරානය වෙත අනතුරු ඇඟවීමක් ලෙස සිදු කරන ලද අතර යුද්ධය අවසන් කිරීම සඳහා පවතින සාකච්ඡාවලට එය බාධාවක් නොවනු ඇතැයි විශ්වාස කරන බව අමෙරිකානු නිලධාරියෙකු සඳහන් කරයි.

මූලික ප්‍රහාර මගින් හෝමූස් සමුද්‍ර සන්ධිය අවට පිහිටි ගුවන් ආරක්ෂක සහ රේඩාර් පද්ධති ඉලක්ක කර ඇති බවත් එම ප්‍රහාර තවදුරටත් සිදු විය හැකි බවද විදෙස් මාධ්‍ය වාර්තා කරයි.