ෆේස්බුක් (Facebook), වට්ස්ඇප් (Whatsapp), ඉන්ස්ට්රග්රෑම් ආදී සමාජ මාධ්ය හිමිකාරීත්වය දරණ මෙටා (Meta) සමාගමට එරෙහිව අමෙරිකාවේ ජනපද 30ක් එකතු වී ගොනු කළ දැවැන්ත නඩුව කැලිෆෝනියා ෆෙඩරල් අධිකරණයේදී විභාග වීම ආරම්භ කර ඇත.
මෙටා (Meta) සමාගම කුඩා දරුවන් සහ නව යොවුන් වියේ පසුවන්නන් හිතාමතාම ඔවුන්ගේ සමාජ මාධ්යවලට ඇබ්බැහි කරගනිමින්, ඔවුන්ගේ මානසික සෞඛ්යයට බරපතල හානි සිදුකළ බවට චෝදනා එල්ල වී ඇත.
ඒ අනුව, මේ සම්බන්ධයෙන් අමෙරිකානු ඩොලර් ට්රිලියනයකට (ඩොලර් බිලියන 1,000 කට) අධික වන්දියක් ඉල්ලා මෙම නඩුව ගොනු කර ඇති අතර අමෙරිකානු ඉතිහාසයේ පාරිභෝගික ආරක්ෂණය වෙනුවෙන් ගොනු කළ විශාලතම නඩුව මෙය ලෙස සැලකෙයි.
දරුවන් වැඩි වේලාවක් ඇප් තුළ රඳවා තබාගැනීම සඳහා සීමාවකින් තොරව ‘පෝස්ට්’ එම දරුවන්ට දකින්න සැලැස්වීම, පෝස්ට්වලට ලැබෙන ‘ලයික්’ ප්රදර්ශනය කිරීම සහ නිතර නිතර ‘නෝටිෆිකේෂන්’ දකින්න සැලැස්වීම වැනි මනෝවිද්යාත්මක උපක්රම ‘මෙටා’ සමාගම විසින් භාවිත කරන බව මෙම නඩුව මඟින් පෙන්වා දෙයි.
සමාගමේ ලාභය වැඩි කරගැනීමේ අරමුණින් ‘මෙටා’ සමාගම දරුවන්ගේ පෞද්ගලිකත්වය සහ පාරිභෝගික ආරක්ෂණ නීති උල්ලංඝනය කරමින් මෙලෙස කටයුතු කර ඇති බවට නීතිඥයන් චෝදනා කර ඇත.
ඒ අනුව කැලිෆෝනියා සහ නිව්යෝර්ක් ඇතුළු අමෙරිකාවේ ජනපද 30ක් එක්ව මෙම නඩුව ගොනුකර ඇත.
