Top Story

දිවයින පුරා පවතින අධික වැසි හේතුවෙන් අධ්‍යයන පොදු සහතික පත්‍ර උසස් පෙළ විභාගය දින නියමයක් නොමැතිව කල් දැමු බව විභාග කොමසාරිස් ජනරාල්වරිය සඳහන් කළාය.

පක්ෂයේ තීන්දුව අනුව පක්ෂ නායකත්වය පාවා නොදී තමන් මන්ත්‍රී ධුරයෙන් ඉල්ලා අස්වෙන බව පාර්ලිමේන්තු මන්ත්‍රී ඉස්මයිල් මුත්තු මොහොමඩ් දැනුම් දී ඇත.

පාර්ලිමේන්තුවේදී ප්‍රකාශයක් සිදුකරමින් ඉස්මයිල් මුත්තු මේ බව සඳහන් කළේය.

ජාතික ලැයිස්තුව නියෝජනය කරමින් ඉස්මයිල් මුත්තු මොහොමඩ් සමගි ජන බලවේගයෙන් පාර්ලිමේන්තුවට තේරී පත්විය.

ජාතික ආපදා කළමනාකරණ සභාව ජනාධිපති අනුර කුමාර දිසානායකගේ ප්‍රධානත්වයෙන් අද (27) රාත්‍රියේ ආරක්ෂක අමාත්‍යාංශයේදී රැස් විය.

අයහපත් කාලගුණය හේතුවෙන් රට තුළ උද්ගතව ඇති හදිසි ආපදා තත්ත්වය හමුවේ ගත යුතු ඉදිරි ක්‍රියාමාර්ග පිළිබඳව පුළුල්ව විමසා බැලීම මෙහිදී සිදු කෙරුණු අතර ජනතාවගේ ජීවිත ආරක්ෂාව සහ සහන සේවා කටයුතු අඛණ්ඩව සිදු කිරීම වෙනුවෙන් ගත හැකි සෑම පියවරක්ම ගන්නා ලෙස ජනාධිපතිවරයා ආරක්ෂක අංශ සහ අදාළ නිලධාරීන්ට උපදෙස් දුන්නේය.

අද පෙරවරුවේ පක්ෂ විපක්ෂ මහජන නියෝජිතයන් සමග පාර්ලිමේන්තු පරිශ්‍රයේ පැවති සාකච්ඡාවේදී ගනු ලැබූ තීන්දු තීරණ මෙන්ම ආපදා කළමණාකරණය සම්බන්ධයෙන් මේ වන විට ලබාදී ඇති උපදෙස් ක්‍රියාත්මක කිරීම සහ එහිදී මතුව ඇති ගැටලු සහ ඊට ලබාගත හැකි කඩිනම් විසදුම් පිළිබද විමසා බැලීමද මෙහිදී සිදු කෙරිණි.

එමෙන්ම වාරිමාර්ග පද්ධතියේ ආරක්ෂාව වෙනුවෙන් ගත යුතු පියවර පිළිබඳව මෙහිදී විශේෂ සාකච්ඡාවට ලක් වු අතර විශාල ජල කඳක් ඒකරාශී වීමෙන් වැව් බැම්මට සහ ජලාශවල වේල්ලට එල්ල විය හැකි අධික පීඩනය නිසා ඒවා කැඩී යෑමේ අවදානමක් පවතින බැවින් ඒ පිළිබඳ අවධානයෙන් කටයුතු කරමින් එම තත්ත්වය කළමනාකරණය කර ගැනීම වෙනුවෙන් ගත යුතු පියවර ගන්නා ලෙසද අදාළ අංශවලට උපදෙස් දුන්නේය.

ආපදා තත්ත්වයෙන් විපතට පත්වූවන්ට සහන සැලසීම වෙනුවෙන් දැනට දිස්ත්‍රික්කවලට වෙන් කර ඇති මුදල් සහ ඒ සම්බන්ධයෙන් මතුව ඇති ගැටලු පිළිබඳව ජනාධිපතිවරයා මෙහිදී නිලධාරින්ගෙන් කරුණු විමසු අතර දැනට වෙන් කර ඇති මුදල් ප්‍රමාණවත් බව නිලධාරීහූ ප්‍රකාශ කළහ.

සුළි කුණාටුවේ බලපෑම හේතුවෙන් නැගෙනහිර වෙරළ තීරයේ ඇති විය හැකි තත්ත්වය පිලිබඳවද මෙහිදී විශේෂ අවධානය යොමු වූ අතර සුළි කුණාටු සහ වර්ෂාපතනය හේතුවෙන් නිරන්තරයෙන් සිදුවන කාලගුණික වෙනස් වීම්, ආපදා තත්වයන් සහ අවදානම් සහිත ප්‍රදේශ පිළිබඳව යාවත්කාලීන තොරතුරු ජනතාව දැනුවත් කිරීම සඳහා නිරන්තරයෙන් මාධ්‍ය වෙත ලබා දෙන ලෙසද ජනාධිපතිවරයා උපදෙස් දුන්නේය.

එමෙන්ම ඇතැම් සමාජ මාධ්‍ය ජාලාවල සංසරණය වන ව්‍යාජ පුවත් මගින් ජනතාව නොසන්සුන් වීම සිදුවිය හැකි බැවින් සමාජ මාධ්‍ය භාවිතයේදී වගකීම් සහගත සහ අවබෝධයෙන් කටයුතු කරන ලෙස ජනතාව දැනුවත් කිරීමේ අවශ්‍යතාවද ජනාධිපතිවරයා පෙන්වා දුන්නේය.

හදිසි ආපදා තත්ත්වය හේතුවෙන් සිදු වූ නිවාස සහ වගා හානි සඳහා වන්දි ලබා දීමේ කටයුතු සැලසුම් කරන ලෙසද ජනාධිපතිවරයා මෙහිදී ආපදා කළමනාකරණ දෙපාර්තමේන්තුවේ සහ වාරිමාර්ග දෙපාර්තමේන්තුවේ නිලධාරින්ට උපදෙස් දෙන ලදී.

එහිදී නිරන්තරයෙන් පැන නැගෙන ගැටලුවක් වන තොරතුරු ඉහළට ගලා ඒමේ ප්‍රමාදය හේතුවෙන් අදාළ වන්දි මුදල් නිසි වේලාවට ජනතාවට නොලැබෙන බවත්, එම තත්ත්වය වළක්වා ගැනීම වෙනුවෙන් ත්‍රිවිධ හමුදාවන්හි ඉංජිනේරු අංශවල සහාය ලබා ගන්නා ලෙසත් ජනාධිපතිවරයා ආපදා කළමනාකරණ නිලධාරීන්ට උපදෙස් දුන්නේය.

එමෙන්ම හානියට පත් ගොවි බිම් යථා තත්ත්වයට පත්කිරීමේදී ලබා දිය යුතු පොහොර සහනාධාරය සහ බිත්තර වී සැපයීම සඳහා විධිමත් වැඩපිළිවෙළක් සකස් කරන ලෙස ජනාධිපති අනුර කුමාර දිසානායක කෘෂිකර්ම අමාත්‍යාංශයේ නිලධාරීන්ට වැඩිදුරටත් උපදෙස් දුන්නේය.

දිවයිනට බලපා ඇති හදිසි ආපදා තත්ත්වය හේතුවෙන් ගැටලුවලට මුහුණ පා සිටින විදෙස් සංචාරකයන්ට අවශ්‍ය පහසුකම් කාර්යක්ෂමව සැපයීමට කටයුතු කරන ලෙස සංචාරක මණ්ඩලයට උපදෙස් ලබාදී තිබෙන බවද ජනාධිපතිවරයා මෙහිදී වැඩිදුරටත් ප්‍රකාශ කළේය.

විපක්ෂ නායක සජිත් ප්‍රේමදාස මෙහිදී මෙරටට පැමිණ සිටින සංචාරකයන්ගේ ආරක්ෂාව තහවුරු කිරීමට ගෙන ඇති පියවර පිළිබඳ කරුණු විමසා සිටි අතර, අදාළ රටවල් සමග සාකච්ඡා කර අප රට මුහුණ දී සිටින හදිසි ආපදා තත්ත්වය සහ සංචාරකයන්ගේ ආරක්ෂාව වෙනුවෙන් ගෙන ඇති පියවර පිළිබඳ දැනුවත් කිරීමට කමිටුවක් පත් කරන ලෙසද යෝජනා කළේය.

අග්‍රාමාත්‍ය ආචාර්ය හරිනි අමරසූරිය, විපක්ෂ නායක සජිත් ප්‍රේමදාස, වරාය සහ සිවිල් ගුවන් සේවා අමාත්‍ය අනුර කරුණාතිලක, නිවාස, ඉදිකිරීම් සහ ජල සම්පාදන අමාත්‍ය සුසිල් රණසිංහ, ජනාධිපති ලේකම් ආචාර්ය නන්දික සනත් කුමානායක, ත්‍රිවිධ හමුදාපතිවරුන් ඇතුළු ආරක්ෂක අංශ ජ්‍යෙෂ්ඨ නිලධාරීහු, කාලගුණ දෙපාර්තමේන්තුව, වාරිමාර්ග දෙපාර්තමේන්තුව, මහවැලි අධිකාරිය යන රේඛීය ආයතන නියෝජනය කරමින් අධ්‍යක්ෂ ජනරාල්වරු, ජ්‍යෙෂ්ඨ නිලධාරීහු ඇතුළු පිරිසක් මීට එක්ව සිටියහ.

මේ වනවිට දිවයින පුරා පවතින අයහපත් කාලගුණය හේතුවෙන් අත්‍යවශ්‍ය සේවා හැර අනෙකුත් රාජ්‍ය ආයතන වලට හෙට (28) දිනයේ නිවාඩු ලබාදීමට තීරණය කර ඇත.

ඒ අනුව අත්‍යවශ්‍ය සේවා හැර අනෙකුත් රාජ්‍ය ආයතන වලට හෙට දිනය විශේෂ නිවාඩු දිනයක් වන බව රාජ්‍ය පරිපාලන අමාත්‍යාංශය සඳහන් කරයි.

ජාතික ගොඩනැගිලි පර්යේෂණ ආයතනය විසින් දිවයිනේ දිස්ත්‍රික්ක 7ක් සඳහා ජනතාවට වහාම ඉවත්වෙන ලෙස දැනුම් දෙමින් නායයෑම් රතු නිවේදනයක් නිකුත් කර තිබේ.

බදුල්ල, මහනුවර, කෑගල්ල, කුරුණෑගල, මාතලේ, මොනරාගල සහ නුවරඑළිය යන දිස්ත්‍රික්කවල ප්‍රදේශයන් සඳහා මෙලෙස රතු නිවේදන නිකුත් කර තිබේ.

අද (27) උදෑසන සිට හෙට දින (28) පෙරවරු 9 දක්වාමෙම අනතුරු ඇඟවීම් නිකුත් කර තිබේ.

මේ අතර දිස්ත්‍රික්ක 7ක් සඳහා නයයෑම් අනතුරු ඇඟවීම් අවදානම් නිවේදනද ජාතික ගොඩනැගිලි පර්යේෂණ ආයතනය විසින් නිකුත් කර ඇත.

එම ස්ථානයන් පහතින් දැක්වේ.

අනතුරු ඇඟවීමේ මට්ටම 3 – ඉවත්වන්න (රතු)

බදුල්ල දිස්ත්‍රික්කය:

– බදුල්ල
– ⁠හාලි ඇල
– ⁠කන්දකැටිය
– ⁠පස්සර
– ⁠මීගහකිවුල
– ⁠ඌව පරණගම
– ⁠වැලිමඩ

මහනුවර දිස්ත්‍රික්කය:

– උඩපලාත
– ⁠ගගවට කෝරළය
– උඩුදුම්බර
– ⁠දොළුව
– ⁠මිණිපෙ
– ⁠පාතහේවාහැට
– ⁠මැදදුම්බර
– ⁠දෙල්තොට
– ⁠අකුරණ
– ⁠ගඟ ඉහළ කෝරළය

කෑගල්ල දිස්ත්‍රික්කය:

– මාවනැල්ල
– ⁠රඹුක්කන
– ⁠අරණායක

කුරුණෑගල දිස්ත්‍රික්කය:

– රිදීගම
– ⁠මාවතගම
– ⁠මල්ලවපිටිය

මාතලේ දිස්ත්‍රික්කය:

– නාඋල
– ⁠රත්තොට
– ⁠අඹන්ගග කෝරළය
– ⁠උකුවෙල
– ⁠විල්ගමුව
– ⁠යටවත්ත
– ⁠මාතලේ
– ⁠පල්ලෙපොල
– ⁠ලග්ගල පල්ලේගම

මොනරාගල දිස්ත්‍රික්කය:

– ⁠බිබිල
– ⁠මැදගම

නුවරඑළිය දිස්ත්‍රික්කය:

– වලපනේ
– ⁠හගුරන්කෙත
– ⁠නිල්දණ්ඩාහින්න
– ⁠මතුරට
– ⁠නුවර එළිය
– ⁠කොත්මලේ බටහිර
– ⁠කොත්මලේ නැගෙනහිර

අනතුරු ඇඟවීමේ මට්ටම 2 – අවදානයෙන් සිටින්න (ඇම්බර්)  

බදුල්ල දිස්ත්‍රික්කය:
– හල්දුම්මුල්ල
– ⁠ඇල්ල
– බණ්ඩාරවෙල
– ⁠හපුතලේ

මහනුවර දිස්ත්‍රික්කය:
– ⁠පාතදුම්බර
– ⁠යටිනුවර
– ⁠තුම්පනේ
– ⁠උඩුනුවර

කෑගල්ල දිස්ත්‍රික්කය:
– ගලිගමුව
– ⁠වරකාපොල
– ⁠කෑගල්ල

කුරුණෑගල දිස්ත්‍රික්කය:
– පොල්ගහවෙල
– ⁠නාරම්මල
– ⁠අලව්ව

මොනරාගල දිස්ත්‍රික්කය:
– බඩල්කුඹුර
– ⁠වැල්ලවාය

නුවරඑළිය දිස්ත්‍රික්කය:
– ⁠අඹගමුව
– ⁠තලවකැලේ
– ⁠නෝර්වුඩ්

රත්නපුර දිස්ත්‍රික්කය:
– කොලොන්න
– ⁠ඇලපාත
– ⁠රත්නපුර
– ⁠අයගම
– ⁠බලන්ගොඩ
– ⁠කලවාන
– ⁠ඉඹුල්පෙ
– ⁠කහවත්ත
– ⁠නිවිතිගල
– ⁠ගොඩකවෙල
– ⁠ඇහැළියගොඩ
– ⁠කුරුවිට
– ⁠කල්තොට

අනතුරු ඇඟවීමේ මට්ටම 1 – විමසිලිමත් වන්න (කහ) 

බදුල්ල දිස්ත්‍රික්කය:
– ⁠ලුණුගල
– ⁠සොරණාතොට

හම්බන්තොට දිස්ත්‍රික්කය:
– ඔකේවෙල
– ⁠වලස්මුල්ල

මහනුවර දිස්ත්‍රික්කය:
– ⁠හාරිස්පත්තුව
– ⁠පූජාපිටිය
– ⁠පස්බාගෙ කෝරළය
– ⁠පන්විල
– ⁠හතරලියද්ද
– ⁠කුණ්ඩසාලේ

කෑගල්ල දිස්ත්‍රික්කය:
– ⁠රුවන්වැල්ල
– ⁠දැරණියගල
– ⁠යටියන්තොට
– ⁠බුලත්කොහුපිටිය
– ⁠⁠දෙහිඹ්විට

මාතර දිස්ත්‍රික්කය:
– පස්ගොඩ

රත්නපුර දිස්ත්‍රික්කය:
– ⁠ඇඹිලිපිටිය
– ⁠ඹ්පනායක
– ⁠වැලිගෙපොල
– ⁠කිරිඇල්ල
– ⁠පැල්මඩුල්ල

දිවයින පුරා පවතින අයහපත් කාලගුණ තත්ත්වය හේතුවෙන් අධ්‍යයන පොදු සහතික පත්‍ර උසස් පෙළ විභාගය අද (27) දින හෙට (28) දින සහ අනිද්දා (29) දිනයන් වල නොපවැත්වෙන බව විභාග කොමසාරිස් ජනරාල්වරිය සඳහන් කළාය.

ඒ අනුව අද (27) පැවැත්වීමට නියමිතව තිබූ විෂය දෙසැම්බර් මස (07) වනදාත් හෙට (28) පැවැත්වීමට නියමිතව තිබූ විෂය දෙසැම්බර් මස (08) වනදාත් සෙනසුරාදා (29) පැවැත්වීමට නියමිතව තිබූ විෂය දෙසැම්බර් මස (09) වනදාත් පැවැත්වෙයි.

ඉදිරි පැය 24 තුළ තවදුරටත් ගිනිකොණ දෙසින් පවතින අඩු පීඩන කලාපය ක්‍රමයෙන් පීඩන අවපාතයක් දක්වා වර්ධනය වෙමින් උතුරට බරව වයඹ දෙසට ගමන් කිරීමට හැකියාවක් පවතින බව කාලගුණ විද්‍යා දෙපාර්තමේන්තුව සඳහන් කරයි.

මෙම බලපෑම හේතුවෙන් දිවයිනේ වැසි සහ සුළං තත්ත්වයේ වැඩිවීමක් ඉදිරි දින කිහිපයේදී බලාපොරොත්තු වන බවත් බොහෝ ප්‍රදේශවල අහස වලාකුළින් බරව පවතින අතර විටින් විට වැසි හෝ ගිගුරුම් සහිත වැසි ඇතිවන බවද සඳහන් කරයි.

ඇතැම් ස්ථානවල මි.මී. 150ට වැඩි ඉතා තද වැසි ඇති විය හැකි බවත් සෙසු ප්‍රදේශවල ඇතැම් ස්ථාන වලට මි.මී. 100ට වැඩි තද වැසි ඇති විය හැකි බැවින් කාලගුණ විද්‍යා දෙපාර්තමේන්තුව මේ සම්බන්ධව නිකුත් කරන ඉදිරි නිවේදන පිලිබඳව අවධානය යොමු කරන ලෙසද ජනතාවට දැනුම් දෙයි.

තවද දිවයිනේ බොහෝ ප්‍රදේශවල විටින් විට පැ.කි.මී. 50-60ත් අතර තද සුළං ඇතිවිය හැකි බවත් තද සුළං සහ අකුණු මඟින් සිදුවන අනතුරු අවම කර ගැනීමට අවශ්‍ය පියවර ගන්නා ලෙසද එම දෙපාර්තමේන්තුව ජනතාවට දැනුම් දෙයි.

විෂ මත්ද්‍රව්‍ය අත්අඩංගුවට ගැනීම මෙන්ම ඒවාට ඇබ්බැහි වූවන් පුනරුත්ථාපනය කෙරෙහිද වැඩි අවධානයක් යොමු කළ යුතු බව ජනාධිපති අනුර කුමාර දිසානායක සඳහන් කරයි.

විෂ මත් උවදුර තුරන් කිරීම සඳහා ගොඩනගන ලද ‘රටම එකට’ ජාතික මෙහෙයුම් සභාවේ දෙවන සැසිය ජනාධිපති ලේකම් කාර්යාලයේදී අද (25) දින කැඳ වූ අවස්ථාවේදී ජනාධිපතිවරයා මේ බව සඳහන් කරයි.

විෂ මත්ද්‍රව්‍යවලට ඇබ්බැහි වුවන් පුනරුත්ථාපනය කිරිම පිළිබඳව සමාජයේ විවිධ මත සහ අදහස් පවතින බවද, ඒවා ඇතැම් විට එකිනෙකට පරස්පර ඒවා බවද, ඒ සියලු අදහස් එකතු කරගනිමින් නව වැඩපිළිවෙළක් කාටත් පිළිගත හැකි පරිදි සකස් කළ යුතු බවද ජනාධිපතිවරයා පැවසුවේය.

එම තොරතුරු සැලකිල්ලට ගනිමින්, ඊට සම්බන්ධ රාජ්‍ය සහ රාජ්‍ය නොවන සංවිධාන ඇතුළු සියලු ආයතන ඒකරාශි කරගත් විද්‍යාත්මක ක්‍රමවේදයක් සකස් කළ යුතු බවද ජනාධිපතිවරයා සඳහන් කරයි.

පුනරුත්ථාපන කටයුතු සඳහා පුහුණු මානව සම්පතක් ගොඩනැඟීම කෙරෙහිද මෙහිදී අවධානය යොමු විය.

අත්අඩංගුවට ගන්නා විෂ මත්ද්‍රව්‍ය ඒ ඒ අවස්ථාවලදීම විනාශ කළ හැකි පරිදි නව නීති කෙටුම්පතක් ලබන මාර්තු මාසය වන විට සම්පාදනය කරන ලෙසද ජනාධිපතිවරයා අධිකරණ අමාත්‍යාංශයට උපදෙස් දුන්නේය.

මීට ප්‍රථම ලබාදුන් උපදෙස් අනුව මේ වන විටත් එම කටයුතු ආරම්භ කර ඇති අතර, අද දිනයේ සාකච්ඡා කළ කරුණුද සැලකිල්ලට ගනිමින් කඩිනම්ව එම කටයුතු අවසන් කරන ලෙසද ජනාධිපතිවරයා උපදෙස් දුන්නේය.

විෂ මත්ද්‍රව්‍ය තොගයක් අත්අඩංගුවට ගත් විට එම ස්ථානයට මහේස්ත්‍රාත්වරයා කැඳවා පරීක්ෂණයක් පැවැත්වීමට, රස පරීක්ෂකවරයා කැඳවා එහි සාම්පලයක් ලබා ගැනීමට සහ ඉන් අනතුරුව, අත්අඩංගුවට ගත් විෂ මත්ද්‍රව්‍ය තොගය විනාශ කිරිමට හැකි වන පරිදි මෙම නීති සකස් කරන ලෙසද ජනාධිපතිවරයා සඳහන් කරයි.

දැනට සැලසුම් කර ඇති පරිදි රස පරීක්ෂක දෙපාර්තමේන්තුවේ පුරප්පාඩුව පවතින රස පරීක්ෂක තනතුරු ස්ථිර සහ තාවකාලික පදනමින් බඳවා ගැනීමට අවශ්‍ය කටයුතු කඩිනමින් සිදු කරන ලෙසද ජනාධිපතිවරයා උපදෙස් දුන්නේය.

විෂ මත්ද්‍රව්‍ය උවදුර පිටුදැකිමේ ‘ඉවත් වෙනු- රටම එකට’ වැඩසටහන පිළිබදව ජනතාව දැනුවත් කිරීමේ වැඩසටහනක් දෙසැම්බර් 06, 07 දෙදින තුළ සියලුම දිස්ත්‍රික් සහ ප්‍රාදේශීය ලේකම් කාර්යාල සම්බන්ධ කර ගනිමින් ක්‍රියාත්මක කිරිමටද සැලසුම් කර ඇත.

සියලුම රාජ්‍ය ආයතන විෂ මත්ද්‍රව්‍යවලින් තොර බවට සහතිකයක් දීමට අදාළ පාලනය සමත් විය යුතු බවත්, ඒ සඳහා අවශ්‍ය ක්‍රියාමාර්ග සැලසුම් කරන ලෙසත් ජනාධිපතිවරයා නිලධාරීන්ට උපදෙස් දුන්නේය.