ව්යාපාරික දිනේෂ් ෂාෆ්ටර්ගේ මරණය අපරාධයක් බවට අධිකරණය විසින් තීන්දු කිරීම හේතුවෙන් ඝාතකයන් හෙළිදරව් කරගැනීම සදහා මනුෂ්ය ඝාතන හා සමූහ මංකොල්ලකෑම් විමර්ශන කොට්ඨාසය විමර්ශනයක් අරඹා ඇත.
ඝාතනයට ලක්වු ව්යාපාරික දිනේෂ් ෂාෆ්ටර්ගේ ජීවිත රක්ෂණවල මුදල් සහ සිය දේපළ ලබාගැනීමේ අරමුණින් සමීපතමයෙක් ඔහු ඝාතනය කළාදැයි යන්න පිළිබඳ විමර්ශකයන්ගේ අවධානය යොමුව ඇත.
එක්සත් රාජධානියේ සහ සිංගප්පූරුවේ ඔහුට අයත් දේපළ පිළිබඳ විමර්ශකයන් විසින් එම රටවලින් කරුණු විමසීමට නියමිත බැවින් ඒ හා සම්බන්ධ කරුණු කිහිපයක් ඔස්සේ මේ වන විට විමර්ශන ක්රියාත්මක කර ඇත.
දිනේෂ් ෂාෆ්ටර්ගේ රුපියල් කෝටි ගණනක ජීවිත රක්ෂණ පාරිතෝෂිකය ලබාගැනීමේ අරමුණින් ඔහුගේ සමීපතමයෙක් ඝාතනය සිදුකළාදැයි යන්න පිළිබඳව මේ වන විට විමර්ශකයන් සැක පළ කරයි.
ඒ අනුව දිනේෂ් ෂාෆ්ටර් වෙනුවෙන් රක්ෂණ වන්දි මුදල් ගෙවීම සතියක කාලයක් දක්වා අත්හිටුවීමට කොළඹ අතිරේක මහෙස්ත්රාත් රජින්ද්රා ජයසූරිය රක්ෂණ සමාගම්වල බලධාරීන්ට පසුගියදා නියෝග කළාය.