හෙට (08) දිනයේ සිට මහජන දිනය පවත්වනු ලබන සදුදා දිනයේ පැවැත්වෙන කිසිදු රැස්වීමකට සහභාගී නොවන බව ශ්රී ලංකා ප්රාදේශීය ලේකම්වරුන්ගේ සහ සහකාර ප්රාදේශීය ලේකම්වරුන්ගේ සංගමය සඳහන් කරයි.
සදුදා දිනවල විවිධ අමාත්යංශ, රාජ්ය ආයතන සහ දේශපාලන අධිකාරිය විසින් භෞතිකව හෝ මාර්ගගත ක්රමය ඔස්සේ රැස්වීම් පැවැත්වීම හේතුවෙන් ඉන් ප්රාදේශීය ලේකම් කාර්යාලයීය කටයුතුවලට සහ මහජනතාවට සිදුවන අපහසුතාවයන් සැලකිල්ලට ගනිමින් මෙම තීරණය ගෙන ඇති බව සඳහන් කරයි.
රාජ්ය පරිපාලන චක්රලේඛ අංක 27/2023 අනුව මහජන දිනය ලෙස ප්රකාශයට පත්කර ඇති දිනයේ තමන් හමුවීමට පැමිණෙන මහජනතාවගේ ගැටලු විසඳීමට කාර්යාලයේ රැදී සිටීම අනිවාර්ය කර ඇති අතර කිසිදු නිල රැස්වීමක් නොපැවැත්විය යුතු බවට උපදෙස් ලබාදී ඇති බව සඳහන් වේ.
ඒ අනුව අදාළ සියලු කරුණු සැලකිල්ලට ගනිමින් හෙට දිනයේ සිට මෙම තීරණය ගත් බව ශ්රී ලංකා ප්රාදේශීය ලේකම්වරුන්ගේ සහ සහකාර ප්රාදේශීය ලේකම්වරුන්ගේ සංගමයේ සභාපති ආර්.සෙන්තිල් සඳහන් කරයි.
