ශ්රී ලංකාවේ වත්මන් මූල්ය ප්රතිපත්තිය, විනිමය අනුපාත ප්රතිපත්තිය සහ රටේ ආර්ථික තත්ත්වය සම්බන්ධයෙන් පාර්ලිමේන්තු මන්ත්රීවරුන් දැනුවත් කිරීමේ වැඩසටහනක් පාර්ලිමේන්තුවේදී අද (10) දින පැවැත්විණි.
කථානායක වෛද්ය ජගත් වික්රමරත්නගේ ප්රධානත්වයෙන් පැවති මෙම වැඩසටහන සඳහා සම්පත් දායකයින් ලෙස ශ්රී ලංකා මහ බැංකුවේ අධිපති ආචාර්ය නන්දලාල් වීරසිංහ ඇතුළු ශ්රී ලංකා මහ බැංකුවේ ජ්යෙෂ්ඨ නිලධාරීහු පිරිසක් සහභාගී වූහ.
වැඩසටහන අතරතුර රට තුළ මූල්ය ප්රතිපත්ති ක්රියාත්මක වන ආකාරය, විනිමය අනුපාතයේ හැසිරීම, ආර්ථික ස්ථාවරත්වය සහ රටේ ආර්ථික ප්රගතියට අදාළ කරුණු පිළිබඳව මන්ත්රීවරුන් දැනුවත් කෙරිණි.
එසේම, මන්ත්රීවරුන් විසින් ඉදිරිපත් කළ ප්රශ්න සහ අදහස් සඳහා ද ශ්රී ලංකා මහ බැංකු නිලධාරීන් විසින් කරුණු පැහැදිලි කරමින් පිළිතුරු ලබා දෙන ලදී.
