හිටපු ජනාධිපති රනිල් වික්රමසිංහට මෑතකදී සිදුකළ සැත්කමෙන් පසුව අවුරුදු 10කින් තරුණ වෙලා සිටින බව හිටපු පාර්ලිමේන්තු මන්ත්රී හරීන් ප්රනාන්දු සඳහන් කරයි.
සමඟි ජන බලවේගය සමඟ ඉදිරි දේශපාලන කටයුතු සාර්ථකව ඉදිරියට රැගෙන යන්නේ කෙසේද යන්න පිළිබඳව කෘත්යාධිකාරී මණ්ඩල රැස්වීමේ සාකච්ජා කළ බවද හරීන් ප්රනාන්දු සඳහන් කරයි.
හිටපු ජනාධිපති රනිල් වික්රමසිංහගේ ප්රධානත්වයෙන් ඊයේ (11) දින පැවති එක්සත් ජාතික පක්ෂයේ කෘත්යාධිකාරී මණ්ඩල රැස්වීමෙන් අනතුරුව මාධ්ය වෙත අදහස් දක්වමින් හරීන් ප්රනාන්දු මේ බව සඳහන් කරයි.
“අද ප්රථම වතාවට මාස 3කට වැසිය ප්රමාණයකට පස්සේ කෘත්යාධිකාරී මණ්ඩලය හම්බුනා. පක්ෂ ක්රියාකාරීත්වය සහ ඉදිරි පියවර, ඉදිරියට එනාඑක්සත් ජාතික පක්ෂයේ 80 වෙනි සංවත්සරය සම්බන්ධයෙන්, සමඟි ජන බලවේගය සමඟ ඉස්සරහට යන්නේ කොහොමද කියන කාරණා ගැන හිටපු ජනාධිපතිතුමා කිව්වා.
බයිපාස් එකෙන් පස්සේ කොන්දත් ශක්තිමත්, ඔලුව විතරක් නෙවෙයි කොන්දත් හොදට තියෙනවා කියලත් විහිලු කලා. පක්ෂ සංවිධානය වෙන හැටි, සංවිධායකවරු පත් කරන හැටි, තරුණ ස්ංගම් පටන් ගන්න හැටි, අලුත් වැඩපිළිවෙළවල්වලට යන්නේ කොහොමද කියන එක තමයි කතා කලේ අද. අලුත් හාට් එකක් දාලා නිසා අවුරුදු 10කට තරුණ වෙලා ඉන්නේ එතුමා.”
