යෝජිත නව අධ්යාපන ප්රතිසංස්කරණ එළිදක්වමින් පාසල් ශ්රේණි සංඛ්යාව 13 සිට 12 දක්වා අඩු කිරීමට යෝජනා කර ඇති බව අධ්යාපන අමාත්යාංශය සදහන් කරයි.
ඒ අනුව එම ප්රතිසංස්කරණ ඔස්සේ සෑම දරුවෙකුටම අවරුදු 17න් පාසල් අධ්යාපනය අවසන් කිරීමට අවස්ථාව සැලසෙනු ඇති අතර පාසැල් අධ්යපනය වයස අවුරුදු 4 දීත් ප්රථමික අංශය 1-5 දක්වාත් කනිෂ්ඨ අංශය 6-8 ලෙසත් ජ්යෙෂ්ඨ අංශය 9-12 වසර දක්වා වර්ගීකරණය කර ඇත.
05 ශිෂ්යත්ව විභාගය සඳහා පාසැල් පාදක ඇගයීම් වලින් යම් ප්රතිශතයක්ද, විභාග මගින් යම් ප්රතිශතයක්ද ලෙස ලකුණු ලබාදීමට යෝජනා කර ඇති අතර 05 ශිෂ්යත්ව විභාගය සරල කර තරගකාරීත්වය නැති කිරීමටද අධ්යාපන අමාත්යාංශය යෝජනා කර ඇත.
සාමාන්ය පෙළ විභාගය 10 වසරේදීත් උසස් පෙළ විභාගය 12 වසරේදී පැවැත්වීමටත් සාමාන්ය පෙළ විභාගය සඳහා පවතින විෂයන් සංඛ්යාව 9 -7 දක්වා අඩු කිරීමටද නව අධ්යාපන ප්රතිසංස්කරණ ඔස්සේ අධ්යාපන අමත්යාංශය යෝජනා කර ඇත.
එම විෂයන් 7 තුළ තොරතුරු හා සන්නිවේදන තාක්ෂණය (ICT), තාක්ෂණික හා වෘත්තීය කුසලතා සහ ආගමික හා සාරධර්ම යන නව විෂයන් ත්රිත්වය හැදෑරීම අනිවාර්යය කිරීමට යෝජනා කර ඇත.