පාස්කු ත්රස්ත ප්රහාරයට පෙර සිදුවීම් හා පාස්කු ත්රස්ත ප්රහාරයෙන් පසු සිදුවීම් සියල්ල සැලසුම් සහගත කුමන්ත්රණ බවටත් එම කුමන්ත්රණ මෙහෙයවීම තුවාන් සුරේෂ් සලේ සිදුකර ඇති බව මේ වනවිට අනාවරණය වී ඇත.
අපරාධ පරීක්ෂණ දෙපාර්තමේන්තුව අධිකරණයට යොමු කළ විමර්ශන වාර්තාවක මෙම තොරතුරු සඳහන් කර තිබුණේය.
එම වාර්තාවේ සඳහන් කර තිබුණේ,
“පාස්කු ත්රස්ත ප්රහාරයට පෙර සිදුවීම් හා පාස්කු ත්රස්ත ප්රහාරයෙන් පසු සිදුවීම් යන සියල්ල සැලසුම් සහගත කුමන්ත්රණ බවටත් එම කුමන්ත්රණ මෙහෙයවීම තුවාන් සුරේෂ් සලේ ඇතුළු යුද්ධ හමුදා සන්නද්ධ බුද්ධි අංශයේ පූර්ණ අනුදැනුම හා සූක්ෂම සැලසුම් මත දේශපාලනඥයින් පිරිසකගේද සහාය ඇතිව සිදු කර ඇති බවට පැහැදිලි ලෙස අනාවරණය වී ඇත.”
පාස්කු ප්රහාරයෙන් මියගිය 278 දෙනාට නැවත ජීවිතය නොලැබෙන බවත් තුවාල ලැබු 500කට අධික පිරිසකට යළිත් සාමාන්ය ජීවිතයක් ගත කිරීමට අවස්ථාවක් ලැබෙන්නේ නැති බවත් අප දන්නා කාරණයකි. එහෙත් යුක්තිය ඉටුවිය යුතුව ඇත.
