මේ වන විට ලොවපුරා Telegram හි පරිශීලකයින් සංඛ්‍යාව මිලියන 900 ක් දක්වා වර්ධනය වී ඇති අතර යෙදුමේ ඉලක්කය වන්නේ “උදාසීන වේදිකාවක්” ලෙස පැවතීම මිස “භූ දේශපාලනයේ ක්‍රීඩකයෙකු” නොවීම බව එහි නිර්මාතෘ Pavel Durov අවධාරණය කර තිබේ.
Telegram හි ප්‍රධාන ප්‍රතිවාදියෙක්වන Meta සමාගමට අයත් WhatsApp යෙදුමේ මාසිකව සක්‍රීය පරිශීලකයින් බිලියන 2 කට වඩා සිටිනා අතර තවත් නොබෝ කලකින් Telegram යෙදුම ඒ හා සමාන පරිශීලකයන් පිරිසක් ග්‍රහණය කරගනු ඇතැයි තාක්ෂණික විශේෂඥයින් මත පලකර ඇත.
ෆිනෑන්ෂල් ටයිම්ස් මාර්තු මාසයේදී වාර්තා කර තිබුනේ, Telegram සමාගම ලාභදායීත්වය කරා ළඟා වූ පසු අමෙරිකා එක්සත් ජනපද ලැයිස්තුගත කිරීමක් ඉලක්ක කරනු ඇති බවයි.
ටෙලිග්‍රෑම් නිර්මාතෘ Pavel Durov රුසියාවේ උපත ලබා ඇති අතර ඔහු ආරම්භ කළ සමාගමකට රජය මැදිහත් වීම හේතුවෙන් 2014 දී රුසියාවෙන් පලා ගිය බවයි සඳහන් වේ.
රුසියාව 2022 දී යුක්‍රේනය වෙත සිය පූර්ණ පරිමාණ ආක්‍රමණය දියත් කිරීමෙන් පසුව, ටෙලිග්‍රෑම් රජයන් දෙකටම මෙවලමක් බවට පත් වී ඇති අතර යුද්ධය පිළිබඳ පෙර නොවූ තොරතුරු පළ කිරීමට සහ ප්‍රවේශ වීමට ස්ථානයක් බවට පත්ව තිබේ.
