තමාගේ නමින් වෙනත් පුද්ගලයෙකු බැංකු ගිණුමක් ආරම්භ කර ඇති බවට ලද පැමිණිල්ලක් මත වංචා හා දූෂණ විමර්ශන කාර්යාංශය සිදුකළ දීර්ග විමර්ශනයකින් අනතුරුව එම පැමිණිල්ල සිදුකළ පුද්ගලයාගේ පියා වන විශ්‍රාමික ජ්‍යෙෂ්ඨ පොලිස් අධිකාරීවරයෙකු අත්අඩංගුවට ගෙන ඇත.
අදාල විශ්‍රාමික ජ්‍යෙෂ්ඨ පොලිස් අධිකාරීවරතම පුත්‍රයාගේ නමින් ව්‍යාජ ජාතික හැඳුම්පතක් වෙනත් පුද්ගලයෙකුට සකස් කර දී බැංකු දෙකකින් රුපියල් තිස් හතර ලක්ෂයක ණය මුදලක් ලබාගෙන ඇති බව සිදුකළ විමර්ශනයන්හිදී අනාවරණය වී ඇති බව එම කාර්යාංශය සඳහන් කරයි.
හිටපු ජ්‍යෙෂ්ඨ පොලිස් අධිකාරීවරයා අත්අඩංගුවට ගෙන ඇති අතර, මේ ආකාරයෙන් තවත් වංචාවන් සිදුවී ඇතිදැයි හෙළිකර ගැනීම සඳහා වංචා හා දූෂණ විමර්ශන කාර්යාංශය විසින් වැඩිදුර පරීක්ෂන මෙහෙයවයි.
