ලොව වැඩිම සංචාරක දියුණුවක් පෙන්නුම් කළ රටවල් අතරට ශ්‍රී ලංකාවත්

2024 සිට 2026 දක්වා සංචාරක සංවර්ධන දර්ශකයේ වැඩිම දියුණුවක් පෙන්නුම් කළ ලොව රටවල් 10 අතරට ශ්‍රී ලංකාව එක්ව ඇත.

ලෝක ආර්ථික සංසදය විසින් නිකුත් කරන ලද 2026 සංචාරක හා සංචාරක සංවර්ධන දර්ශකය අනුව ශ්‍රී ලංකාව 10 වැනි ස්ථානයට පත්ව ඇත.

පසුගිය 2024 වසරට සාපේක්ෂව 2026 වසරේ ශ්‍රී ලංකාවේ සංචාරක හා සංචාරක සංවර්ධන දර්ශක ලකුණු 4.33%කින් ඉහළ ගොස් ඇත.

මෙහි පළමු ස්ථානය ඇල්බීනියාව ලබා ගෙන ඇති අතර ඒ දර්ශක ලකුණු 7.0%ක් වන අතර වියට්නාමය දර්ශක ලකුණු 6.3%කින් සහ ලාඕසය දර්ශක ලකුණු 6.1%කින් දෙවන හා තෙවස ස්ථානයට පත්ව ඇත.