තැපැල් දෙපාර්තමේන්තුව විසින් මහජනතාව වෙත නිවේදනයක් නිකුත් කර ඇත.
තැපැල් දෙපාර්තමේන්තුවේ නිල අඩවිය හා සමාන ව්යාජ වෙබ් අඩවියක් භාවිත කරමින් සිදු කරන වංචාවක් සම්බන්ධයෙන් තොරතුරු වාර්තාවී ඇති බව එම දෙපාර්තමේන්තුව සඳහන් කරයි.
ජංගම දුරකථන SMS මගින් පාර්සලයක් ලබාගැනීම සඳහා මුදලක් ගෙවිය යුතු බව දන්වා එම මුදල මාර්ගත ක්රමය ඔස්සේ ගෙවන ලෙසට පාරිභෝගිකයින්ට දන්වා එම වංචාව සිදු කරන බව එම දෙපාර්තමේන්තුව සඳහන් කරයි.
මෙම ක්රියාවලිය යටතේ, පාරිභෝගිකයන් විසින් Payment Gateway හරහා තම කාඩ් පතෙහි තොරතුරු ඇතුළත් කරන අවස්ථාවේදී ඔවුන්ගේ බැංකු ගිණුම්වල ඇති මුදල් වංචනික ලෙස අත්පත් කරගැනීමට කටයුතු කරන බව තැපැල්පති ආර්.පී සත්කුමාර සඳහන් කරයි.
එනිසා නොහඳුනන සබැඳි වෙත ප්රවේශ නොවන ලෙසත් තම බැංකු කාඩ්පත් තොරතුරු හෝ OTP අංක කිසිදු අවස්ථාවක තෙවන පාර්ශ්ව පුද්ලයන්ට හෝ වෙබ් අඩවි වලට ලබා නොදෙන ලෙසද තැපැල්පති ජනතාවට දැනුම් දෙයි.