පසුගිය සමයේ දේශපාලන වේදිකාවල දළදා පෙරහැර තහනමක් පිළිබඳ සාකච්ඡාවට ලක් වුණ බවත් එවැනි ප්රකාශ කිරීම මොනතරම් කුරිරු දේශපාලන ව්යාපාරයක්ද, බව ජනාධිපති අනුර කුමාර දිසානායක සඳහන් කරයි.
එනිසා නැවත කිසිම දිනක රටේ දේශපාලන වේදිකාවක පෙරහැර නතර කිරීම පිළිබඳ සාකච්ඡාවක් පැන නොනැඟිය යුතු බව ජනාධිපති අනුර කුමාර දිසානායක සඳහන් කරයි.
එනිසා රාජ නියෝගයක් මෙන්ම උත්තරීතර සම්මුතියක් ලෙස ඉර හද පවතින තාක් කල් දළදා වහන්සේට කරන පුද සත්කාර, පෙරහැර පැවැත්විය යුතු බවද ජනාධිපති අනුර කුමාර දිසානායක සඳහන් කරයි.
ජනාධිපති අනුර කුමාර දිසානායක සඳහන් කළේ,
“කිත්සිරි මෙවන් රජතුමා එදවස තිබුණ සෙල්ලිපියක කියනවා, මම ඒ සෙල්ලිපියේ සිංහල අනුවර්තනය කියන්නම්. රජතුමා කියනවා එපමණක් නොව, තමන්ට පසුව රජ වන සියලුම රජවරුන් ශ්රී දළදා වහන්සේ වෙනුවෙන් වන සියලුම වත් පිළිවෙත් පුද පූජා, පෙරහැර ආදිය නොවඩුව පැවැත්විය යුතුයි.
එය ඉර හද පවත්නා තෙක්ම රාජ නියෝගයක් මෙන්ම උත්තරීතර සම්මුතියක් ලෙස ප්රකාශයට පත් කරනවා. කිත්සිරි මෙවන් රජතුමා විසින් මේක රාජ නියෝගයක් ලෙස ප්රකාශයට පත් කරනවා. මොකක්ද.? ඉර හද පවතින තාක් කල් දළදා වහන්සේට කරන පුද සත්කාර, පෙරහැර පැවැත්විය යුතුයි.”
“මෙම පෙරහර මංගල්ය අත්හැරීම යනු අපේ මුළු ජාතියේම හෘදසාක්ෂිය, අධ්යාත්මය සහ ජාතියේ ජීවය මරා දැමීමයි. පසුගිය සමයේ දේශපාලන වේදිකාවල පෙරහැර තහනමක් පිළිබඳ සාකච්ඡාවට ලක් වුණා. එවැනි ප්රකාශ කිරීම මොනතරම් කුරිරු දේශපාලන ව්යාපාරයක්ද. එවැනි ප්රකාශයක් කරන්න.
එයින් පෙනෙන්නේ අපේ ජාතියේම අධ්යාත්මය මරා දැමීමේ සහ සංස්කෘතියේ පාදම විනාශ කිරීමේ බලයක් හොබවනවා කියන එකයි. මෙම පෙරහර මංගල්ය තහනම් කිරීමේ උත්සාහයක් දරනවා කියන ප්රකාශයම මොනතරම් විනාශකාරීද. එය කිසිසේත්ම දේශපාලන වේදිකාවක සාකච්ඡාවකට හෝ තර්කයකට හෝ ගත යුතු කරුණක් නොවේ.
ඒ නිසා කිසිවෙකු තමන්ගේ දේශපාලන වේදිකාවක හෝ ආරෝවක් පිරිමසා ගැනීමට හෝ ගැටුම් විදාහ දැක්වීමට කිසිසේත්ම මෙම ඓතිහාසික උරුමය මතකටයුතු කිරීම සාධාරණ නැහැ. ඒ නිසා නැවත කිසි දිනකවත් අපේ රටේ දේශපාලන වේදිකාවක පෙරහර නතර කිරීම පිළිබඳ සාකච්ඡාවක් පැන නොනැඟිය යුතුයි. අපේ ජාතියේ අධ්යාත්මය මරා දමන බව, ඓතිහාසික සංස්කෘතික උරුමය, ප්රෞඪත්වය සහ ආත්මය විනාශ කරන බව ප්රකාශ කිරීම සිදු නොකළ යුතුයි.”
