LIVE
අමෙරිකානු ජනාධිපති ඩොනල්ඩ් ට්රම්ප්ගේ මුහුණේ හැඩයට සමාන වන මාරාන්තික එක්ස්ටසි මත්පෙති විශේෂයක් සම්බන්ධයෙන් අනතුරු ඇඟවීමක් නිකුත් කර ඇත.
මෙම මත්පෙති වල එක් පසෙක ජනාධිපති ඩොනල්ඩ් ට්රම්ප්ගේ මුහුණේ රූපයක්ද, අනෙක් පස Trump සහ NL ලෙස සටහන් කර ඇත.
එම මත්පෙති පරීක්ෂණ මධ්යස්ථාන වලට භාර දී ඇති අතර එහිදී එම පෙතිවල ඉතා ඉහළ මට්ටමකින් PMMA නමැති හානිකර රසායනික ද්රව්ය අඩංගු බව පරීක්ෂණ වලදී අනාවරණය වී ඇති බව විදෙස් මාධ්ය වාර්තා කරයි.
මෙම මත්පෙති පෙති භාවිතයෙන් ශරීර උෂ්ණත්වය අධික ලෙස ඉහළ යා හැකි අතර බරපතළ සෞඛ්ය ගැටලු සහ මරණය පවා සිදුවිය හැකි බවට අනතුරු අඟවා ඇත.
මේ දක්වා මෙම පෙති භාවිතය හේතුවෙන් මරණයක් හෝ බරපතළ රෝගී තත්ත්වයක් වාර්තා වී නොමැති බවද විදෙස් මාධ්ය වාර්තා කරයි.
