ඉරාන ජනතාවට ඊශ්‍රායලයෙන් අනතුරු ඇඟවීමක්

ඊශ්‍රායල ආරක්ෂක බලකාය විසින් අද (07) දිනයේදී දුම්රිය භාවිතා නොකරන ලෙසට ඉරාන වැසියන්ට අනතුරු අඟවා ඇත.

ඉරානයේ සිවිල් යටිතල පහසුකම් ඉලක්ක කර ප්‍රහාර එල්ල කරන බවට අමෙරිකානු ජනාධිපති ඩොනල්ඩ් ට්‍රම්ප් තර්ජනය කර ඇති පසුබිමක ඊශ්‍රායලය මෙම අනතුරු ඇඟවීම නිකුත් කර ඇත.

“ඔබේ ආරක්ෂාව වෙනුවෙන් ඉරාන වේලාවෙන් රාත්‍රී 09:00 වන තෙක් දුම්රිය භාවිතා කිරීමෙන් වැළකී සිටින්න. දුම්රිය තුළ හෝ දුම්රිය මාර්ග අසල රැඳී සිටීම ඔබේ ජීවිතයට අනතුරක් විය හැකියි.”