ශ්රී ලංකාවට ගිනිකොන දෙසින් කිලෝමීටර් 700ක් පමණ දුරින් ජාත්යන්තර මුහුදේ යාත්රා කළ ඉරානය සමඟ සබඳතා පැවැත්වූ බවට සැක කෙරෙන ඉන්ධන නෞකාවක් අමෙරිකානු නාවික හමුදා භාරයට ගෙන ඇත.
Marine Traffic දත්ත වලට අනුව, මෙම නෞකාව ටොන් 300,000කට ආසන්න ධාරිතාවක් ඇති ටිෆනි නම් බොරතෙල් ප්රවාහන නෞකාවකි.
මෙම ඉන්ධන ප්රවාහන නෞකාවට එක්සත් ජනපද විදේශ වත්කම් පාලන කාර්යාලය විසින් සම්බාධක පනවා ඇති අතර ඉරාන බොරතෙල් ආසියානු කලාපය හරහා ජාවාරම් කිරීම සම්බන්ධව අසාදු ලේඛනගත කර තිබුණු බව සඳහන් වේ.
තම නිලධාරීන් විසින් M/T Tifani නෞකාව මත නාවික නීතියට අනුව පරීක්ෂා කිරීමේ අයිතිය භාවිතා කරමින් මෙම මෙහෙයුම දියත් කළ බව අමෙරිකානු ආරක්ෂක දෙපාර්තමේන්තුව X පණිවිඩයක් නිකුත් කරමින් තහවුරු කරයි.
නෞකා ගමනාගමන දත්ත වලට අනුව ටිෆනි නෞකාව අප්රේල් (10) වන දින ගල්ෆ් කලාපයෙන් පිටත්ව ඇති බවත් පසුව අප්රේල් (18) වන දින ශ්රී ලංකාවේ ගාල්ල වරාය අසල නතර කර තිබූ බවයි.
