ලංකා ඛනිජ තෙල් නීතිගත සංස්ථාවේ සභාපතිවරයා හිරු රූපවාහිනී නාලිකාවට එරෙහිව පැමිණිල්ලක් ඉදිරිපත් කර ඇති බව කැබිනට් මාධ්ය ප්රකාශක, අමාත්ය නලින්ද ජයතිස්ස සඳහන් කරයි.
රූපවාහිනී බලපත්ර නිකුත් කිරීමේදී එකඟ වූ කොන්දේසි පද්ධතියක් පවතින බවත් ජාතික ආරක්ෂාව සහ ජාතික ආර්ථිකයට බලපාන කරුණු, ජනතා සෞඛ්යය හා සම්බන්ධ වාර්තාකරණය සහ ජාතික සමගිය සහ සංහිඳියාව පළුදු වන අයුරින් කටයුතු කිරීම යන කාරණා සම්බන්ධයෙන් විමර්ශනය කරන බවද අමාත්යවරයා සඳහන් කරයි.
යම් මාධ්ය ආයතනයක් විසින් පුවත් පළ කිරීමේදී පුරවැසියෙකුට අසාධාරණයක්, චරිත ඝාතනයක් හෝ ප්රතිරූපයට හානියක් සිදු කරන්නේ නම්, ඒ වෙනුවෙන් නීතිමය පියවර ගැනීමේ අයිතිය අදාළ පාර්ශ්වයන්ට පවතින බවද අමාත්යවරයා සඳහන් කරයි.
මාධ්ය ආයතනයක් විසින් අදාළ කොන්දේසි උල්ලංඝනය කර ඇති බවට පැමිණිලි ලැබුණු විට, ජනමාධ්ය අමාත්යාංශය ඒ පිළිබඳ පරීක්ෂණ පවත්වන බවත් එහිදී අදාළ පාර්ශ්ව කැඳවා සාකච්ඡා කිරීම සිදුවන බවද අමාත්යවරයා සඳහන් කරයි.
මාධ්ය ආයතන විසින් සිදුකරන වැරදි නිවැරදි කිරීමට ප්රමාණවත් පියවර නොගන්නේ නම් ගත යුතු මීළඟ ක්රියාමාර්ග පිළිබඳව රජය සාකච්ඡා කර තීරණය කරන බවද අමාත්යවරයා සඳහන් කරයි.
