ඉන්දීය ක්රිෂ් සමාගමෙන් රුපියල් මිලියන 70ක මුදලක් ලබාගෙන සාපරාධී විශ්වාසය කඩකිරීම සම්බන්ධයෙන් පාර්ලිමේන්තු මන්ත්රී නාමල් රාජපක්ෂට එරෙහිව පවරා ඇති නඩුව අද (23) කොළඹ මහාධිකරණ විනිසුරු නදී අපරණා සුවඳුරුගොඩ ඉදිරියේ කැඳවනු ලැබීය.
මෙම නඩුව අද (23) විභාගයට ගත් අවස්ථාවේදී, විත්තිකාර මන්ත්රී නාමල් රාජපක්ෂ අධිකරණය හමුවේ පෙනී සිටියේය.
අනතුරුව දෙපාර්ශවයේ කරුණු සලකා බැලූ විනිසුරුවරිය මෙම නඩුව ලබන මැයි මස (29) වැනිදා යළි කැඳවීමට නියම කළාය.
ශ්රී ලංකාවේ රග්බි ක්රීඩාව ප්රවර්ධනය කිරීමේ මුවාවෙන් ක්රිෂ් සමාගමෙන් රුපියල් මිලියන 70ක මුදලක් ලබාගෙන මූල්ය අක්රමිකතාවක් සිදුකළ බවට නීතිපතිවරයා විසින් නාමල් රාජපක්ෂට එරෙහිව මෙම නඩුව පවරා ඇත.
