හිටපු මහ බැංකු අධිපති අජිත් නිවාඩ් කබ්රාල්ට එරෙහිව අල්ලස් හෝ දූෂණ චෝදනා විමර්ශන කොමිසම විසින් කොළඹ මහාධිකරණයේ නව අධිචෝදනා පත්රයක් ගොනු කිරීමට තීරණය කර ඇතැයි අල්ලස් කොමිසම සඳහන් කරයි.
ග්රීක බැඳුම්කරවල ආයෝජනය කිරීමෙන් රජයට රුපියල් බිලියන 1.84කට වඩා පාඩුවක් සිදු කළ බවට චෝදනා එල්ල වී ඇති නඩුවෙන් කොන්දේසි සහිතව නිදහස් කිරීමට හේතු වූ කොන්දේසි සපුරා නොමැතිවීම මත මේ අධිචෝදනා පත්රය ගොනු කරන බව අල්ලස් කොමිසම සඳහන් කරයි.
නව නඩුවේදී අජිත් නිවාඩ් කබ්රාල්ට පමණක් අධිචෝදනා පත්රයක් ගොනු කිරීමට නියමිත බවත් පෙර නඩුවේ සෙසු චුදිතයන්ට අධිචෝදනා පත්රයක් ගොනු නොකරන බවද අල්ලස් කොමිසම සඳහන් කරයි.
අල්ලස් කොමිසම විසින් පෙර පවරන ලද නඩුවට අදාළව රජයට සිදුවූ ඇස්තමේන්තුගත පාඩුව මාස තුනක කාලයක් තුළ ආපසු ගෙවන බවට කොන්දේසියක් මත අජිත් නිවාඩ් කබ්රාල් නඩුවෙන් නිදහස් කර තිබුණි.
