දිට්වා සුළි කුණාටුවෙන් හානි වූ බදුල්ල සිට නානුඔය දක්වා මාර්ගයේ දුම්රිය ධාවනය වූයේ බදුල්ල සිට අඹේවෙල දක්වා පමණි.
ඒ අනුව අද (20) දිනයේ සිට බදුල්ල සිට නානුඔය දක්වා දක්වා කොටසේ දිනකට දුම්රිය වාර 4ක් ක්රියාත්මක වනු ඇත.
අඹේවෙල සහ නානුඔය අතර පිහිටි පැරකුම්පුර ප්රදේශයේ දුම්රිය මාර්ගය නායයෑමකට ලක්ව තිබීම හේතුවෙන් මෙතෙක් දුම්රිය ධාවනය වූයේ අඹේවෙල සහ බදුල්ල දක්වා පමණි.
දුම්රිය ඉංජිනේරුවන්, ජාතික ගොඩනැගිලි පර්යේෂණායතනය සහ පෞද්ගලික ආයතනයක් එක්ව එම නායගිය ස්ථානය සම්පූර්ණයෙන්ම පිළිසකර කිරීමෙන් පසුව මෙලෙස අද සිට දුම්රිය ධාවනය යළි ආරම්භ කිරීමට පියවර ගෙන ඇත.
ඒ අනුව අද උදෑසන 9:00ට නානුඔය දුම්රිය ස්ථානයේ පැවැති සර්ව ආගමික වතාවත්වලින් අනතුරුව “පොඩි මැණිකේ” දුම්රිය නානුඔය සිට බදුල්ල බලා ගමන් ආරම්භ කළේය.
මේ වසර තුළදී රඹුක්න සිට මහනුවර දක්වා දුම්රිය මාර්ගයේ ප්රතිසංස්කරණ කටයුතු අවසන් කිරීමට අපේක්ෂා කරන බව රථවාහන, මහාමාර්ග සහ නාගරික සංවර්ධන අමාත්ය බිමල් රත්නායක සඳහන් කරයි.