රුමේෂ් තරංග නැවතත් ලක්මව රනින් සරසයි

ස්විට්සර්ලන්තයේ පැවති 2026 ඩයමන්ඩ් ලීග් මලල ක්‍රීඩා තරගාවලියේ ‘සූරිච්’ අදියරේ ද පිරිමි හෙල්ල විසිකිරීමේ ඉසව්වේ පළමු ස්ථානය දිනාගැනීමට රුමේෂ් තරංග සමත් විය.

අද (28) අලුයම අවසන් වූ මෙම තරගයේදී රුමේෂ් තරංග මීටර් 92.07ක දක්ෂතාවක් දැක්වු අතර මෙය රුමේෂ් තරංග සිය වෘත්තීය ජීවිතය තුළ මීටර් 92 සීමාව අබිබවා විසිකළ දෙවන අවස්ථාව වේ.

පසුගිය ජුනි මාසයේ පැවැති රෝම ඩයමන්ඩ් ලීග් තරගාවලියේදී මීටර් 92.62ක දුරක් වාර්තා කරමින් නව ජාතික වාර්තාවක් පිහිටුවීමටද රුමේෂ් තරංග සමත් විය.

23 හැවිරිදි රුමේෂ් තරංග වත්මන් ලෝක හෙල්ල විසිකිරීමේ ශ්‍රේණිගත කිරීම්හි පළමු ස්ථානයේ පසුවෙයි.