හෝමාගම පොලිස් අත්අඩංගුවේ සිටියදී මියගිය සැකකරුගේ පශ්චාත් මරණ පරීක්ෂණය සම්බන්ධයෙන් විවෘත තීන්දුවක් ලබාදී ඇත.
අදාළ මරණ පරීක්ෂණය කළුබෝවිල ශික්ෂණ රෝහලේදී අධිකරණ වෛද්‍ය නිලධාරියා විසින් සිදු කිරීමෙන් අනතුරුව එම විවෘත තීන්දුව ලබාදී ඇත.
මෙලෙස මියගොස් ඇත්තේ කිරිවත්තුඩුව ප්‍රදේශයේ පදිංචිව සිටි 29 හැවිරිදි දෙදරු පියෙක් වන අතර පශ්චාත් මරණ පරික්ෂණයෙන් අනතුරුව දේහය ඥාතීන් වෙත භාරදී ඇත.
හෝමාගම පොලීසිය විසින් අදාළ සැකකරු අත්අඩංගුවට ගෙන සිරමැදිරියේ රඳවා සිටියදී හදිසියේ අසනීප වී රෝහල්ගත කිරීමෙන් පසුව මියගොස් ඇත.
එම තරුණයාට වධසිංහා කළ බවට තොරතුරු ලැබෙන අතර තට්ටංවල, පිටේ සහ හිස ඇතුළු ස්ථාන ගණනාවක තැලුම් ලකුණු ඇති අතර මරණ පරීක්ෂණයේ තීරණය අනුව වැඩිදුර විමර්ශන පොලිස්පති නියමයෙන් බස්නාහිර දකුණ අපරාධ කොට්ඨාසයට බාරදෙයි.
