ආරක්ෂක අමාත්යාංශයේ ආරක්ෂක සයිබර් විධානය (Defence Cyber Command) මගින් සංවිධානය කරන ලද “Aegis Lexicon 2026” වාර්ෂික ආරක්ෂක සයිබර් සම්මන්ත්රණය, ආරක්ෂක නියෝජ්ය අමාත්ය මේජර් ජෙනරාල් අරුණ ජයසේකර (විශ්රාමික) ප්රධානත්වයෙන් (19) වන දින ආරක්ෂක අමාත්යාංශ පරිශ්රයේදී පැවැත්විණි.
මෙම අවස්ථාව සඳහා ආරක්ෂක ලේකම් එයාර් වයිස් මාර්ෂල් සම්පත් තුයියකොන්තා (විශ්රාමික) සහභාගී විය.
මෙහිදී අදහස් දැක් වු නියෝජ්ය අමාත්යවරයා යාවත්කාලීන වන ආරක්ෂක සන්දර්භය තුළ සයිබර් ආරක්ෂණයේ ඇති වැදගත්කම අවධාරණය කළේය.
Aegis Lexicon යනු ආරක්ෂක සයිබර් විධානයේ ප්රධානතම සයිබර් ආරක්ෂණ වැඩසටහන බවට පත්ව ඇති බවත්, එය සයිබර් ආරක්ෂණ දැනුවත්භාවය, තාක්ෂණික කුසලතා සහ ඔරොත්තු දීමේ හැකියාව ඉහළ නැංවීමට මෙන්ම, ආරක්ෂක අංශ අතර සහයෝගීතාව වර්ධනය කිරීමට මහෝපකාරී වන වේදිකාවක් ලෙස ක්රියා කරන බව ඔහු වැඩිදුරටත් සඳහන් කළේය.
ආරක්ෂක සයිබර් බලකායේ අධ්යක්ෂ බ්රිගේඩියර් ධම්මික විදානලාගේ විසින් ආරම්භක දේශනය පවත්වන ලදි.
“Shaping the Future Battlespace Towards the Singularity” යන තේමාව යටතේ මෙම සම්මන්ත්රණය පැවැත් වූ අතර ජාතික ආරක්ෂාව කෙරෙහි සයිබර් ආරක්ෂණයේ ඇති බලපෑම, නැගී එන තාක්ෂණික දියුණුව සහ වත්මන් අභියෝග කෙරෙහි එහිදී විශේෂ අවධානය යොමු කෙරිණි.
ප්රවීණ දේශන සහ සමූහ සාකච්ඡා රැසකින් සමන්විත වූ මෙම වැඩසටහනේදී සයිබර් ආරක්ෂණය, නැගී එන තාක්ෂණයන් සහ ජාතික ආරක්ෂාව පිළිබඳ ප්රධාන කරුණු රැසක් සාකච්ඡාවට බඳුන් විය.
Aegis Lexicon වැඩසටහන් මාලාව හරහා දැනුම හුවමාරු කර ගැනීමට, වෘත්තීය සංවාද ගොඩ නැගීමට සහ යාවත්කාලීන වන සයිබර් තර්ජන පිළිබඳ දැනුවත් භාවය වැඩිදියුණු කිරීමට අඛණ්ඩව අවස්ථාව හිමිවන අතර, එමගින් ජාතික ආරක්ෂක ක්ෂේත්රයේ සයිබර් සූදානම සහ ඔරොත්තු දීමේ හැකියාව තවදුරටත් ශක්තිමත් කිරීමට දායකත්වය සැපයේ.
