අධිකරණ සහ ජාතික ඒකාබද්ධතා අමාත්ය නීතිඥ හර්ෂණ නානායක්කාරට එරෙහිව විපක්ෂ නායක සජිත් ප්රේමදාස ප්රමුඛ විපක්ෂ මන්ත්රීවරුන් විසින් ගෙනෙන ලද විශ්වාසභංග යෝජනාව ඊයේ (24) දින පාර්ලිමේන්තුවේදී වැඩි ඡන්දයෙන් පරාජයට පත්විය.
පාර්ලිමේන්තුවේ පැවති ඡන්ද විමසීමේදී යෝජනාවට පක්ෂව ඡන්ද 36ක්, විපක්ෂව ඡන්ද 152ක් හිමිවූ අතර ඒ අනුව අමාත්ය නීතිඥ හර්ෂණ නානායක්කාරට එරෙහිව ගෙනා විශ්වාසභංග යෝජනාව වැඩි ඡන්ද 116කින් පරාජයට පත්විය.
අමාත්ය නීතිඥ හර්ෂණ නානායක්කාරට එරෙහිව විපක්ෂයේ මන්ත්රීවරුන් විසින් 2026 ජූලි (21) වන දින කථානායකවරයා වෙත භාරදෙන ලද විශ්වාසභංග යෝජනාවට අත්සන් කළ විපක්ෂයේ මන්ත්රීවරුන් පිරිසක් ඡන්දය ලබා නොදීමට තීරණය කළේය.
මෙම විශ්වාසභංග යෝජනාවට හිතාමතාම ඡන්දය නොදුන් පාර්ලිමේන්තු මන්ත්රීවරුන් වන්නේ,
පාර්ලිමේන්තු මන්ත්රී මනෝ ගනේෂන්, කබීර් හෂීම්, පලනි දිගම්බරම්, රවී කරුණානායක, ජීවන් තොන්ඩමන්, රිෂාඩ් බදියුදීන්, දිලිත් ජයවීර, ෂානක්කියන් රාසමාණික්කම්, හර්ෂ ද සිල්වා, රෝහිත අබේගුණවර්ධන, චාමර සම්පත්, අනුරාධ ජයරත්න, රෝහණ බංඩාර, චමින්ද්රාණි කිරිඇල්ල සහ චානක මාදුගොඩ එලෙස ඡන්දය නොදුන් කණ්ඩායම වේ.
