විවිධ ප්රකාශ පළවෙන නමුත් විපක්ෂය නියෝජනය කරන කිසිදු අයෙකු වත්මන් ආණ්ඩු පක්ෂයට ගැනීම සඳහා රජයේ කිසිදු සූදානමක් හෝ කැමැත්තක් නොමැති බව කැබිනට් ප්රකාශක, අමාත්ය නලින්ද ජයතිස්ස සඳහන් කරයි.
තවද මහජන ඡන්දයෙන් තේරී පාර්ලිමේන්තුවට පැමිණ පක්ෂ මාරු කරන මන්ත්රීවරුන්ගේ මන්ත්රී ධුරය අහෝසි කිරීම සඳහා වූ පනත් කෙටුම්පත කඩිනමින් පාර්ලිමේන්තුවට ඉදිරිපත් කිරීමට බලාපොරොත්තු වන බවද අමාත්ය නලින්ද ජයතිස්ස සඳහන් කරයි.
අමාත්ය නලින්ද ජයතිස්ස සඳහන් කළේ,
“විපක්ෂයෙන් ආණ්ඩු පක්ෂයට ගන්න අපේ කැමැත්තක් හෝ උත්සාහයක් නෑ. ප්රාර්ථනා තියෙන්න පුළුවන් නමුත් අපේ කිසිම බලාපොරොත්තුවක් නෑ විපක්ෂයෙන් කිසිම කෙනෙක් ආණ්ඩුවට ගන්න.
ඒ විතරක් නෙමෙයි ජනවරමට එරෙහිව පක්ෂ මාරු කරන අය සම්බන්ධයෙන් මන්ත්රී ධුර අහෝසි කරන පනත් කෙටුම්පත් පාර්ලිමේන්තුවට කඩිනමින් ඉදිරිපත් කරන්නත් අපි බලාපොරොත්තු වෙනවා.”
අද (26) දින පැවැති කැබිනට් තීරණ දැනුම්දීමේ මාධ්ය හමුවට එක්වෙමින් අමාත්ය නලින්ද ජයතිස්ස මේ බව සඳහන් කරයි.