“ජාතියේ යශෝරාවය ආචාර්ය නන්දා මාලනීය” අවසන් කටයුතු ගැන දැනුම්දීමක්

ශ්‍රී ලාංකීය කලා ක්ෂේත්‍රයේ අද්විතීය සලකුණක් වූ, ප්‍රවීණ ගායන ශිල්පිනී ආචාර්ය නන්දා මාලනීය අද (20) දින පස්වරුවේ අභාවප්‍රාප්ත විය.

රසවින්දනීය ගීත කලාවට අනුපමේය සේවයක් ඉටු කළ ඇය, සිය හඬින් මෙන්ම නිර්භීත කලා භාවිතයෙන් දේශයම කම්පනයට පත් කළ කලාකාරිනියකි.

ආචාර්ය නන්දා මාලනීයගේ දේහය හෙට (21) උදෑසන 10.00 සිට නුගේගොඩ විජයබා මාවත නන්දා මාලිනි සංගීත ආශ්‍රමයේ තැන්පත් කිරීමට නියමිතය.

අවසන් කටයුතු අනිද්දා (22) දින පස්වරුවේ බොරැල්ල පොදු සුසාන භූමියේදී සිදු කිරීමට නියමිතය.

රාජ්‍ය භීෂණයෙන් වෙළුණු යුගයකදී පවා, යහපත් අනාගතයක් පිළිබඳ බලාපොරොත්තුවත්, ඒ වෙනුවෙන් නැගී සිටීමට ජවයත් සුවහසක් සිත් තුළ පෝෂණය කිරීමට තම හඬ අවදි කල අසහාය ගීත කෝකිලාවිය.