මොන වර්ගයේ අර්බුදයක් අභ්‍යන්තරව හට ගත්තත් එයට මුහුණ දෙන්න පුළුවන් විදියට රටේ ආර්ථිකය මේ ආණ්ඩුව හදලා තියෙන බව ජනාධිපති අනුර කුමාර දිසානායක සඳහන් කරයි.
ජනාධිපති අනුර කුමාර දිසානායක සඳහන් කළේ,
“ලෝක බැංකුවෙන් වාර්තාවක් ලබාදීලා තිබෙනවා. සුනාමියෙන් ආර්ථිකයට වුණ විනාශයට වඩා වැඩියි දිට්වා වලින් ආර්ථිකයට වෙච්ච විනාශය. ගෙවල් 20,000ක් අපි අලුතෙන් හදන්න ඕන. අපි ඒ ගෙවල් 20,000ටම ලක්ෂ 50 ගානේ දෙනවා ගේ හදාගන්න.
මීට කලින් ලක්ෂ 16යි. අපි දිට්වා වලට වෙන් කරා කෝටි 50,000ක්. පාරවල් ටික හදන්න. වාරිමාර්ග ටික හදන්න. පැති බැමි ටික හදන්න. ගොවි ජනතාවගේ ජීවිතය නගා සිටුවන්න. ව්‍යාපාර වලට සහන දෙන්න. කෝටි 50,000ක් වෙන් කරා.
හැකියාව ලැබෙන්නේ කොතනින්ද, භාණ්ඩාගාරයේ කළු දොරටු වහනවා. කවදාවත් වන්දි නොගෙවපු දේවල්. දෙමුන් හරකෙකුට ලක්ෂ දෙකක් දුන්නා. බටු හරකෙකුට 50,000ක් දුන්නා. ඌරෙකුට 30,000ක් දුන්නා. එළුවෙකුට 30,000ක් දුන්නා.
බොයිලර් කුකුළෙකුට 200ක් දුන්නා. බිත්තර දාන කිකිලියෙකුට 400ක් දුන්නා. කවද්ද මෙහෙම දීලා තියෙන්නේ. කළු ආර්ථිකය බිඳ වට්ටපුවාම රට ඇතුලේ අභ්‍යන්තර වෙන අර්බුදයකට මුහුණ දෙන්න පුළුවන්.
අද මේ ආණ්ඩුව ඔප්පු කරලා තිබෙනවා මොන වර්ගයේ අර්බුදයක් අභ්‍යන්තරව පැන නැග්ගත් අපිට මුහුණ දෙන්න පුළුවන් විදියට අපි ආර්ථිකය හදලා තියෙනවා. දැන් අපිට මුහුණ දෙන්න පුළුවන්.
හැබැයි තාමත් අපිට බාහිර අර්බුදයක් අමාරුයි තාම. ඩොලර් ප්‍රශ්නය තාම තියෙනවා. බාහිර අර්බුදයක්. මැදපෙරදිග යුද්ධය කියන්නේ බාහිර අර්බුදයක්.”
බේරුවල පැවති ජන රැළිය අමතමින් ජනාධිපති අනුර කුමාර දිසානායක මේ බව සඳහන් කරයි.
