ජනාධිපති ධුරය දැරූ සමයේ රනිල් වික්රමසිංහ රටේ ජනතාවගේ මුදලින් රුපියල් ලක්ෂ 166ක් වියදම් කරමින් එක්සත් රාජධානියේ සිදුකළ බව කියන පුද්ගලික සංචාරයේ විමර්ශනයට අදාළව තීරණාත්මක කරුණු තවදුරටත් අනාවරණය වෙමින් ඇත.
රනිල් වික්රමසිංහ ජනාධිපති ධුරය දරමින් සිටියදී පසුගිය 2023 වසරේ සැප්තැම්බර් (22) සහ (23) යන දින දෙකේ එක්සත් රාජධානියේ සංචාරයක නිරත විය.
මෙම සංචාරය එක්සත් රාජධානියේ රාජ්ය තාන්ත්රික හෝ රාජ්ය ආරාධනයක් මත සිදුකළ එකක් නොවන බව නැවතත් තහවුරු වී ඇත.
එක්සත් රාජධානියේ විදේශ, පොදු රාජ්ය මණ්ඩලීය හා සංවර්ධන දෙපාර්තමේන්තුව එම වකවානුව තුළ එරට නිල සංචාර වල නිරත රාජ්ය නායකයින්ගේ ලැයිස්තුව ප්රසිද්ධියට පත්කිරීමත් සමග ඒ බව නැවතත් තහවුරු වී ඇත.
රටේ ජනතාවගේ මුදලින් රුපියල් ලක්ෂ 166ක් වියදම් කරමින් නිරතවූ පෞද්ගලික සංචාරයක් ලෙස විමර්ශනවලින් අනාවරණය වීමෙන් පසු රනිල් වික්රමසිංහ සහ එවක ඔහුගේ ලේකම් සමන් ඒකනායකට එරෙහිව අධිකරණ ක්රියාමාර්ග ගත්තේය.
ගවර්මන්ට්.යුකේ වෙබ් අඩවිය මගින් ප්රසිද්ධියට පත්කර ඇති දත්තවලට අනුව 2023 මෙම කාලසීමාවේ රාජ්ය නායකයෙකු ලෙස රාජ්ය තාන්ත්රික හෝ රාජ්ය ආරාධනයක් මත රනිල් වික්රමසිංහ එක්සත් රාජධානියේ සංචාරය කළ බවට කිසිඳු සඳහනක් දක්නට නොමැත.
සමාජ හා දේශපාලන ක්රියාකාරිකයෙකු වන ඕෂල හේරත් මේ සම්බන්ධ සියලු තොරතුරු (17) අපරාධ පරීක්ෂණ දෙපාර්තමේන්තුවට භාරදී ඇත.
පසුගිය අප්රේල් (29) වෙනිදා කොටුව මහේස්ත්රාත් අධිකරණයේදී නඩුව කැඳවූ අවස්ථාවේ ප්රමාණවත් සාක්ෂි ඇති බවත් අපරාධ නඩුවක විමර්ශන කල් මැරීම තුළින් එම විමර්ශන වටිනාකම අඩුවී යන බැවින් කඩිනමින් සැකකරුට එරෙහිව අධි චෝදනා ගොනු කරන ලෙස මහේස්ත්රාත්වරයා නියෝග කළේය.
මේ අතර ලක්ෂ 166ක් වැයකර පෞද්ගලික විදේශ සංචාරයක නිරතවීමේ චෝදනාවට අදාළව රනිල් වික්රමසිංහ සහ සමන් ඒකනායක මේ වනවිට ඇප මත සිටියි.
පැමිණිල්ල යළි සැප්තැම්බර් මස (30) වනදා කැඳවීමට නියමිත අතර එදින නීතිපතිවරයාගේ ස්ථාවරය අධිකරණයට දැනුම් දීමට නියමිතය.
