ශ්රී ලංකා පොදුජන පෙරමුණේ ගාලු දිස්ත්රික්ක හිටපු පාර්ලිමේන්තු මන්ත්රී සම්පත් අතුකෝරළට පිටිගල, බඹරවාන ප්රදේශයේදී පුද්ගලයෙකු විසින් තියුණු ආයුධ ප්රහාරයක් එල්ල කර ඇත.
ප්රහාරයෙන් තුවාල ලැබූ හිටපු පාර්ලිමේන්තු මන්ත්රී සම්පත් අතුකෝරළ ගාල්ල කරාපිටිය ජාතික රෝහලට ඇතුළත් කිරීමෙන් පසු ප්රතිකාර ලබා පිටව ගොස් ඇති බව වාර්තා වේ.
ඊයේ (17) රාත්රියේදී බඹරවාන උස්බීම් ජනපදය ප්රදේශයේ ඩීජේ වත්ත ස්ථානයේ කිසියම් පිරිසක් විසින් කලහකාරී අන්දමින් හැසිරීම නිසා ඒ පිළිබඳව සොයා බැලීමට සම්පත් අතුකෝරළ එහි ගොස් ඇත.
එහිදී එක් පුද්ගලයකු විසින් ඔහුට තියුණු ආයුධයකින් පහරදී ඇත. කෙසේ වෙතත් මේ වනවිට එම සැකකරු අත්අඩංගුවට ගෙන ඇත.
