මිදිගම යාහුවත්ත, ගංගොඩ යන ප්රදේශයේ නිවසක් වෙත ඊයේ (18) රාත්රී 11.45ට පමණ වෙඩි තැබීමක් සිදුව ඇත.
යතුරුපැදියකින් පැමිණි නාදුනන වෙඩික්කරුවන් දෙදෙනකු විසින් මෙම වෙඩි ප්රහාරය එල්ල කර ඇති බව පොලීසිය සඳහන් කරයි.
නිවෙස් පරිශ්රයට ඇතුළු වී නිවස ඉදිරිපිට නතර කර තිබූ මෝටර් රථයකට ගිනි තබා අනතුරුව වෙඩි ප්රහාර පහක් පමණ එල්ල කළ බව නිවැසියන් සඳහන් කරයි.
වෙඩි ප්රහාරය එල්ල වන අවස්ථාවේදී එම නිවසේ ව්යාපාරිකයා, බිරිඳ, දරු දෙදෙනා සහ තවත් වැඩිහිටියෙකු නිවසේ සිට ඇති අතර ඔවුන්ට කිසිදු හානියක් සිදුව නොමැත.
මෙම වෙඩි තැබීමෙන් ජීවිත හානි කිසිවක් සිදුව නොමැති අතර නිවසේ ස්ථාන කීපයක වෙඩි වැදී තිබුණ බව පොලීසිය සඳහන් කරයි.
