අවිධිමත් විදේශ ගමන් බලපත්රයක් ලබාගැනීම සම්බන්ධයෙන් වරදකරු වී සිර දඬුවම් නියම වී සිටින ශෂී වීරවංශ අද (20) දින කොළඹ ප්රධාන මහෙස්ත්රාත් අධිකරණය හමුවේ පෙනී සිටියේය.
අදාළ නඩුවේ තීන්දුව කියවාදීම සඳහා නඩුකරය අද කොළඹ ප්රධාන මහෙස්ත්රාත් අසංග එස්. බෝදරගම හමුවේ කැඳවූ අවස්ථාවේදී සිර දඬුවම් නියම වී සිටින ශෂී වීරවංශ පෙර ඇප මත මුදාහැරීමට නියෝග කළේය.
ආගමන හා විගමන පනත යටතේ වූ චෝදනා වලට වරදකරු වීමෙන් අනතුරුව 2022 වසරේදී ශෂී වීරවංශට වසර දෙකක සිර දඬුවමක් සහ රුපියල් ලක්ෂයක දඩයක් නියම කර තිබුණේය.
එම තීන්දුවට එරෙහිව ඇය ඉදිරිපත් කළ අභියාචනයක් කොළඹ මහාධිකරණය විසින් ප්රතික්ෂේප කර තිබූ අතර අනතුරුව එම තීන්දුවට එරෙහිව ශ්රේෂ්ඨාධිකරණයට අභියාචනයක් ඉදිරිපත් කර ඇත.
එම අභියාචනය ලබන මස කරුණු තහවුරු කිරීම සඳහා ශ්රේෂ්ඨාධිකරණය විසින් කැඳවීමට නියම කර ඇති බැවින්, එතෙක් තම සේවාදායිකාව පෙර ඇප මත මුදාහරින ලෙස ඇය වෙනුවෙන් පෙනී සිටි නීතිඥවරයා අධිකරණයෙන් ඉල්ලා සිටියේය.
ඒ අනුව, ඒ සම්බන්ධයෙන් ශ්රේෂ්ඨාධිකරණයට දැනුම්දීමට යටත්ව ශෂී වීරවංශ පෙර ඇප මත මුදාහැරීමට ප්රධාන මහෙස්ත්රාත්වරයා නියෝග කළ අතර අදාළ නඩුව යළි සැප්තැම්බර් (27) වැනිදා කැඳවීමට නියමිතය.
