ශ්රී ලංකාව කරදරයක වැටෙනු දැකීමට තම රටට අවශ්යතාවයක් නොමැති බවත් ශ්රී ලංකාව ඉරානයට ඉතා ගෞරවනීය රටක් බව ශ්රී ලංකාවේ ඉරාන තානාපති අලිරේසා ඩෙල්කෝෂ් (Alireza Delkhosh) සඳහන් කරයි.
ශ්රී ලංකාව සිය මිතුරෙකු බවත් ඕනෑම අවස්ථාවක මෙරටට උදව් කිරීමට ඉරානය සුදානම් බවද ශ්රී ලංකාවේ ඉරාන තානාපති අලිරේසා ඩෙල්කෝෂ් (Alireza Delkhosh) සඳහන් කරයි.
ශ්රී ලංකාව තෙල් හෝ වෙනත් ඕනෑම අත්යවශ්ය භාණ්ඩ ඉල්ලා සිටියහොත්, ඉරානය එම භාණ්ඩ ශ්රී ලංකාවට ලබාදීමට සුදානම් බවද ඉරාන තානාපති අලිරේසා ඩෙල්කෝෂ් සඳහන් කරයි.
පසුගියදා අමෙරිකානු සම්මැරීනයක් මඟින් එල්ල කළ ටෝපිඩෝ ප්රහාරයකින් මුහුදුබත් වූ ඉරානයේ ‘IRIS Dena’ යුද නෞකාවේ සිටි පිරිස මුදාගැනීමට ශ්රී ලංකාව කටයුතු කළේ ඉරාන ඉල්ලීමක් කිරීමට පළමුව බවද ඔහු සඳහන් කරයි.
මෙරට ඉරාන තානාපති කාර්යාලයේ පැවැත්වෙන විශේෂ මාධ්ය හමුවකට එක්වෙමින් ඉරාන තානාපති අලිරේසා ඩෙල්කෝෂ් මේ බව සඳහන් කරයි.