කොළඹ වරාය නගරයේ චීන ජාතිකයින් දෙපිරිසක් අතර ඇතිවු ගැටුම සම්බන්ධයෙන් කොළඹ වරාය පොලීසිය සහ ඇහැලියගොඩ පොලීසිය එක්ව විමර්ශණ ආරම්භ කර ඇති බව පොලිස් මාධ්ය ප්රකාශක සහකාර පොලිස් අධිකාරි එෆ්.යු වුට්ලර් සඳහන් කරයි.
මෙම ගැටුම සම්බන්ධයෙන් කටුනායක ගුවන්තොටුපලේදී අත්අඩංගුවට ගත් චීන ජාතිකයින් දෙදෙනාගෙන් මේ වනවිට ප්රශ්න කිරිම ආරම්භ කර ඇති බවත් සිදුකරන එම විමර්ශන සම්බන්ධයෙන් වාර්තාවක් පොලිස්පතිවරයාට සහ මෙරට චීන තානාපති කාර්යාලයට කඩිනමින් ලබාදීමට කටයුතු කරන බවද පොලිස් මාධ්ය ප්රකාශකවරයා සඳහන් කරයි.
කොළඹ වරාය නගරය ඇතුළු කොළඹ ප්රදේශයේ ජිවත්වන චින ජාතිකයිනගේ ආරක්ෂාව සම්බන්ධයෙන් කොළඹ දිසාව භාර ජ්යෙෂ්ඨ නියෝජ්ය පොලිස්පතිවරයාගේ අධීක්ෂණය යටතේ ආරක්ෂක වැඩපිළිවෙලක් ක්රියාත්මක බවද පොලිස් මාධ්ය ප්රකාශකවරයා සඳහන් කරයි.
මේ අතර කොළඹ වරාය නගරයේදී චීන ජාතිකයන් තිදෙනෙකු පැහැරගෙන ගිය සිද්ධිය සම්බන්ධයෙන් සැකකරුවන් දෙදෙනෙකු අත්අඩංගුවට ගෙන ඇති අතර පැහැරගෙන ගිය පුද්ගලයෙකුගේ මළ සිරුර ඇහැලියගොඩ ප්රදේශයේ අතහැර දමා තිබියදී සොයාගෙන ඇත.
පසුගිය (22) වැනිදා රාත්රියේ චීන ජාතිකයන් තිදෙනෙකු කුලී කැබ් රථයකින් කොළඹ වරාය නගරයට පැමිණ මසුන් අල්ලමින් සිටියදී, මුහුණු ආවරණය කරගත් චීන ජාතිකයන් පිරිසක් ඔවුන්ට පහරදී වෑන් රථ දෙකකින් පැහැරගෙන ගොස් ඇති බව පොලීසිය සඳහන් කරයි.
