9%ක මට්ටමක පවතින පුනරාවර්තන වියදම් අඩු කර, 4%ක් වන ප්රාග්ධන වියදම් ඉහළ නැංවීමේ අරමුණ ඇතිව ඉදිරි වසරේ ආර්ථික සැලසුම් සකස් කරන බව ජනාධිපති අනුර කුමාර දිසානායක සඳහන් කරයි.
2027 වසරේ ප්රාග්ධන වියදම් ලෙස රුපියල් ට්රිලියන දෙකක් වෙන් කිරීමට සැලසුම් කර තිබෙන බවත් එය 40%ක පමණ වැඩිවීමක් බවද ජනාධිපති අනුර කුමාර දිසානායක සඳහන් කරයි.
ජනාධිපති අනුර කුමාර දිසානායක මේ බව සඳහන් කළේ, ගාල්ල දිස්ත්රික් ලේකම් කාර්යාලයේදී (28) පස්වරුවේ පැවති ගාල්ල දිස්ත්රික් විශේෂ සම්බන්ධීකරණ කමිටු රැස්වීමට එක් වෙමිනි.
භාණ්ඩාගාරයට ලැබෙන සෑම රුපියලක්ම රටේ සංවර්ධනය සහ උන්නතිය උදෙසා යෙදවීම අපේක්ෂාව බවත් අනාගත පරපුරට ණය ගෙවීමට සිදු නොවන, මූල්ය විනයක් සහිත රටක් ගොඩනැගීම රජයේ අපේක්ෂාව බවද ජනාධිපතිවරයා සඳහන් කරයි.
ජාත්යන්තර වාර්තා තුළ මේ වනවිට ශ්රී ලංකා ආර්ථිකයේ ප්රගතිය සහ සමාජ දර්ශක පිළිබද ඇගයීම් යහපත් මට්ටමක පවතින බවද ජනාධිපතිවරයා සඳහන් කරයි.
එක් යුගයක ණය ගෙවා ගත නොහැකි වූ, දූෂණය සහ සමාජ අපරාධ පිරුණු රටක් ලෙස ජාත්යන්තරයේ කතා බහට ලක් වු අපේ රට අද ප්රශස්ත ආර්ථිකයක් සහිත සහ දූෂණය අවම වූ රටක් ලෙස ජාත්යන්තරයේ ඇගයීමට ලක්ව තිබෙන බවද ජනාධිපතිවරයා සඳහන් කරයි.
