අද (29) දින පාර්ලිමේන්තු මන්ත්රී රවී කරුණානායකගේ නිවසට අල්ලස් කොමිසමේ නිලධාරීන් කණ්ඩායමක් ගොස් ඇත.
ජාතික ලොතරැයි මණ්ඩලයට නිලධාරීන් පස්දෙනකු බඳවාගෙන ඔවුන් පෞද්ගලික කටයුතු සඳහා යොදාගත් බවට එල්ල වී ඇති චෝදනාවක් සම්බන්ධයෙන් හිටපු මුදල් අමාත්ය රවී කරුණානායකට එරෙහිව අල්ලස් කොමිසම මේ වනවිට විමර්ශනයක් ආරම්භ කර ඇත.
සිදුකරන එම විමර්ශනයට අදාළව රවී කරුණානායකගෙන් අල්ලස් කොමිසමට මෙලෙස ප්රකාශයක් ලබාගැනීමට අවශ්යව තිබූණේය.
ඒ අනුව අල්ලස් කොමිසම විසින් රවී කරුණානායකට ජූලි (16), ජූලි (30) සහ අගෝස්තු (28) යන දිනවල අවස්ථා තුනකදී අල්ලස් කොමිසම හමුවේ පෙනී සිටින ලෙස දැනුම් දී තිබුණේය.
එලෙස රවී කරුණානායකට දැනුම් දී තිබුණද, ඔහු එම දැනුම්දීමට අනුව පැමිණ නොසිටීම හේතුවෙන් අල්ලස් කොමිෂන් සභාවේ නිලධාරීන් කණ්ඩායමක් අද (29) දින ඔහුගේ නිවස වෙත ගොස් ඇත.
අද දිනයේ අල්ලස් කොමිෂන් සභාවේ නිලධාරීන් කණ්ඩායමක් ඔහුගේ නිවසට ගියද ඔහු නිවසේ නොසිටීම හේතුවෙන් එම නිලධාරීන් පිටව ගියේය.
