නේපාලයේ ගංවතුරින් විපතට පත් ප්රදේශවල සහන සේවා කටයුතු සදහා මෙරට ආරක්ෂක අංශ සාමාජිකයින්ගෙන් සමන්විත සහන කණ්ඩායම් යොමු කිරීමට තීරණය කර ඇති බව ආරක්ෂක නියෝජ්ය අමාත්ය අරුණ ජයසේකර සඳහන් කරයි.
අනුරාධපුර ප්රදේශයේදී මාධ්ය වෙත අදහස් දක්වමින් ආරක්ෂක නියෝජ්ය අමාත්ය අරුණ ජයසේකර සඳහන් කළේ,
“නේපාලයේ වෙච්ච සිද්ධිය අවාසනාවන්ත සිද්ධියක්. ගරු ජනාධිපතිතුමා ශෝකයත් පළ කළා. ඒ වගේම රජයක් හැටියට මූල්යමය වශයෙන් අමෙරිකානු ඩොලර් මිලියනයක සහනාධාර ලබාදීම සඳහා මූලික කටයුතු සිදු කරගෙන යනු ලබනවා.
ඒ වගේම ආරක්ෂක අමාත්යාංශය සහන කණ්ඩායම් ජාතික ආපදා කළමනාකරණ සහන මධ්යස්ථානය තියෙනවා, ඒකෙන් සැලැසුම් කරගෙන යනවා එහෙ අවශ්යතාවයන්ට ලබාදීම සඳහා සහන කණ්ඩායම් මොන විදිහට ද යවන්නේ කියලා.
තාමත් සැලැසුම් කරගෙන යන්නේ, යවන භට පිරිස් ප්රමාණය නැත්නම් මොන විදිහේ සහන කණ්ඩායම් ද කියලා නැහැ. හෙට අනිද්දා දිහාවට ඒ කටයුතු සලස්වන්න තමයි අපි රජයක් හැටියට ආණ්ඩුවක් හැටියට කටයුතු සම්පාදනය කරන්නේ, ඒ නිසා ළගම තියෙන, දකුණු ආසියානු රටක් හැටියට වශයෙන් අපි ඒ වගේම සංවේදීව කටයුතු කරනවා.
යවන භටපිරිස් ප්රමාණය සහ මොන විදියේ සහන කණ්ඩායම්ද කියලා නෑ. අර මුදල් ප්රමාණය අනුව ඒ සම්බන්ධව දෙන සහනාධාර තමයි ලබාදීමට කටයුතු කරන්නේ.”
