ගිනි අවියක් සන්තකයේ තබාගැනීම – මහජනතාව⁣ට දැනුම්දීමක්

ගිනි අවියක් සන්තකයේ තබාගැනීම දඩුවම් ලැබිය හැකි වරදක් බව ආරක්ෂක අමාත්‍යංශය සඳහන් කරයි.

ගිනිඅවි සඳහා බලපත්‍ර හිමි පුද්ගලයින්/ ආයතන 2027 වර්ෂය වෙනුවෙන් සිය ගිනි අවි (තුවක්කු) බලපත්‍ර අලුත් කිරීම 2026.09.01 දින සිට 2026.12.31 දින දක්වා පමණක් සිදු කරන බැවින්, 2026.12.31 වන දිනට ප්‍රථම බලපත්‍ර අලුත්කර ගැනීම සිදු කල යුතුය.

එදිනට බලපත්‍ර අලුත් නොකරන සියලු ගිනි අවි හිමිකරුවන් සඳහා තුවක්කු ආඥාපනතේ 22 වගන්තියේ විධිවිධාන අනුව වලංගු බලපත්‍රයක් රහිතව ගිනි අවියක් සන්තකයේ තබාගැනීම දඩුවම් ලැබිය හැකි වරදකි.

2027/2028 වර්ෂ සඳහා පෞද්ගලික ආරක්‍ෂක නියෝජ්‍යායතන ලියාපදිංචිය අලුත් කිරීම 2026.09.01 සිට 2026.12.31 දින දක්වා සිදුකෙරෙන අතර ඉන්පසු සිදුකරන අලුත් කිරීම් සඳහා ප්‍රමාද ගාස්තු අය කිරීමට හෝ නීතිමය ක්‍රියාමාර්ග ගැනීමට කටයුතු කරයි.