අල්ලස් හෝ දූෂණ චෝදනා විමර්ශන කොමිෂන් සභාව විසින් වත්කම් සහ බැරකම් ප්රකාශ ඉදිරිපත් කිරීමට ලබාදී ඇති කාලය අද (30) දිනයෙන් අවසන් වේ.
අද දිනයෙන් පසු වත්කම් බැරකම් ප්රකාශ ඉදිරිපත් කර නොමැති සියලුම දෙනා හට දඩ අයකිරීමක් සිදුකරන බව අල්ලස් හෝ දුෂණ චෝදනා විමර්ශන කොමිෂන් සභාවේ අධ්යක්ෂ ජනරාල් රංග දිසානායක සඳහන් කරයි.
2023 අංක 9 දරණ දූෂණ විරෝධී පනතේ ප්රතිපාදන වලට අනුව වත්කම් සහ බැරකම් ප්රකාශ ඉදිරිපත් කිරීමට නියමිත සියලුම නිලධාරීන් ඔන්ලයින් ඔස්සේ සිය වත්කම් බැරකම් ප්රකාශ ඉදිරිපත් කළ යුතු වේ.
ඒ අනුව අද දිනය තුළ මෙතෙක් වත්කම් සහ බැරකම් ප්රකාශ ඉදිරිපත් නොකළ නිලධාරීන්ට ඒ සඳහා අවස්ථාව පවතී.