සංවිධානාත්මක අපරාධකරුවෙකු සහ මත්ද්රව්ය ජාවරම්කරුවෙකු වන ලලිත් ගන්නංගර නොහොත් බස් ලලිත් නැමැත්තා පැය 72ක් රඳවා ප්රශ්න කිරීමට අවසර ලබාදී ඇත.
ඒ අනුව බස් ලලිත් නැමැත්තා විසින් සිදුකරන ලද ඝාතන රැසක තොරතුරු මේ වනවිට විමර්ශන නිලධාරීන්ට අනාවරණය කර ඇත.
බස් ලලිත්ගේ මෙහෙයවීම මත අවස්ථා 5කදී පුද්ගලයන් 6 දෙනෙකු ඝාතනය කර ඇතැයි සැකකරන බව පොලිසිය සඳහන් කරයි.
පසුගිය 2022 වසරේ දෙසැම්බර් (18) වනදා බූරු මූණා නම් වෙඩික්කරු ලවා ව්යාපාරිකයෙකු ඝාතනය කර ඇත්තේ කප්පම් ලබා නොදීම මත බව බස් ලලිත් මූලික ප්රශ්න කිරීම්වලදී පවසා ඇත.
තමන්ට කිසිඳු රැකියාවක් නොමැති අවස්ථාවක බස් කොන්දොස්තර රැකියාවක් ලබාදුන් වජිර නිශාන්ත නැමැත්තා 2024 වසරේ සැප්තැම්බර් (30) වනදා ඝාතනය කරනු ලැබුවේ, ද කප්පම් මුදල් ලබා නොදුන් නිසා බවද ඔහු පවසා ඇත.
තවද 2025 වසරේදී මුදුන්කොටුවගේ දොන් ශාන්ත හෙවත් බනා මන්ත්රී නැමැත්තා ඝාතනය කළේ, දෙබිඩි පිළිවෙතක් අනුගමනය කළ නිසා බවද ඔහු පවසා ඇතැයි වාර්තා වේ.
බනා මන්ත්රී නැමැත්තා, ඔහු සමීපව ආශ්රය කළ ව්යාපාරිකයන් පස් දෙනෙකුගේ දුරකථන අංක තමන්ට ලබාදී තමා ඔවුන්ගෙන් කප්පම් ඉල්ලූ පසු එම මුදල් ලබාගෙන ඉන් කොටසක් තමන්ට ලබාදෙන්නැයි ඉල්ලා සිටි බවද ඔහු පවසා ඇත.
පසුව ඔහු තම ප්රතිවිරුද්ධ පාතාල කල්ලියකට එම දුරකථන අංක ලබාදීම හේතුවෙන් බනා මන්ත්රී නැමැත්තාව ඝාතනය කළ බවද මේ වන විට වාර්තා වේ.
2023 වසරේ නත්තල්දා මන්නා රොෂාන් හා ඔහුගේ සමීපතමයෙකු ඝාතනය කළේ, ඔහු දිගින් දිගටම අනවශ්ය ලෙස කතාබහ කිරීම නිසා බවද බස් ලලිත් නැමැත්තා පවසා ඇත.
තමාගේ කප්පම් එකතු කරන්නෙක් තමා උපදෙස් දෙන මුදලට වඩා වැඩි කප්පම් මුදල් ලබාගැනීම හේතුවෙන් ඔහු ඝාතනය කළ බවද සැකකරු පවසා ඇත.
